Një nga tendencat më të spikatura në grimin e pranverës 2025 është "Aura Beauty", një look që i jep grimit një dimension emocional si kurrë më parë. Ky trend është frymëzuar nga koncepti i aurës — fushat energjetike që rrethojnë trupin — dhe synon të pasqyrojë gjendjen shpirtërore dhe vitalitetin e individit përmes ngjyrave të guximshme.
Në këtë grim, përdoren ngjyra të forta dhe të ndritshme si blu, vjollcë, portokalli dhe rozë, të aplikuara në sy, faqe dhe buzë. Ky look është një mënyrë për të shprehur individualitetin dhe për të krijuar një lidhje mes pamjes së jashtme dhe asaj të brendshme.
Ky trend është veçanërisht i popullarizuar në mesin e brezave më të rinj, si Gen Z, dhe ka fituar popullaritet të madh në platformat sociale si TikTok dhe Instagram, ku përdoruesit shpesh ndajnë pamje të grimit të tyre të frymëzuar nga aura.
Në përgjithësi, "Aura Beauty" është një mënyrë për të shprehur ndjesitë tona të brendshme dhe e bukura e këtij grimi qëndron në faktin se nuk ka rregulla strikte se si duhet bërë, pasi ndjesitë tona janë mjaft intime për t’u përcaktuar nga disa rregulla, ndaj kjo është edhe arsyeja se përse ky grim po preferohet gjithnjë e më shumë.
Artikuj të sugjeruar:
