Duket se Rihanna e ka hapur “krahun” në pjesën e stilit të shtatzënisë, pasi ka sjellë në jetë dy fëmijët e saj dhe tani është radha e një tjetër ndikuese në botën e modës, që i bën nënat në pritjen e ëmbël t’i mbajnë sytë nga ajo në çdo dalje publike.
Sofia Richie Grainge, 25-vjeçarja është futur tanimë në kapitullin e pritjes së ëmbël, teksa lajmin e shtatzënisë dhe zbulimin e gjinisë së bebes i bëri përmes një videoje virale.
Gjatë muajve të shtatzënisë, ajo ka hequr dorë nga xhaketat tweed (pëlhurë e butë me thurje) dhe stili i rafinuar, për t’ia besuar rehatinë e muajve të shtatzënisë veshjeve minimaliste. Duket se ajo nuk ka pasur asnjë vështirësi në gjetjen e siluetave të hijshme që theksojnë format dhe zhvillimin e linjave të saj trupore gjatë këtyre muajve.
Në ecjet e rastësishme në rrugë, influencuesja po zgjedh kominoshet tipike për një mama të ardhshme. Ndërsa, në daljet publike ajo ka preferuar fustanet e zeza dhe të lirshme.
Sofia mbetet një nga ikonat e stilit dhe barku i rrumbullakosur nuk e ka penguar aspak në gjetjen e kombinimeve të duhura, gjithmonë në emër të prakticitetit gjatë nëntë muajve specialë.
Artikuj të sugjeruar:
Burimi: Grazia
