Trendi i flokëve eko bionde është ndoshta zgjedhja për shumicën e vajzave që i lyejnë flokët bionde, por nuk duan të largohen krejtësisht nga natyralja.

Trendi është shfaqur në fillim të vitit 2025 dhe përshkruan ngjyrën bjonde natyrale me flokë bionde më të errëta dhe majat më të çelura që imitojnë ngjyrën bjonde natyrale që kanë disa fëmijë. 

Në fakt, nevoja e për të mos shkuar aq shpesh në sallon e bën këtë nuancë një zgjedhje të përshtatshme për vajzat që dëshirojnë të mbajnë një pamje të bukur dhe të freskët me përpjekje minimale.

Çelësi i ngjyrës është qasja diskrete dhe e relaksuar: rrënjët mbeten të ekspozuara dhe natyrale, duke shmangur kështu ngjyrat që duan të rilyhen herë pas here.

Në vend të kësaj, rrënja është e kombinuar me tone natyrale, duke krijuar një pamje të lehtë “boho chic” që të kujton tendencat e viteve 1970, por me një ndjesi më bashkëkohore. Ideja pas këtij look-u është krijimi i një efekti që i ngjan ndriçimit natyral të ngjyrës së flokëve që hapet drejt majave.

Mjafton një vizitë në sallon për të krijuar bazën ideale dhe prej andej rritja natyrale e flokëve do të japë rezultatin e dëshiruar. Sa më gjatë të rriten flokët, aq më natyrale duket pamja.

Teknika e përdorur përfshin aplikimin e thekseve delikate bionde ose teknikën balayage, e cila krijon një tranzicion harmonik dhe natyral nga rrënja në majat e flokëve, duke lejuar që ngjyra natyrale të theksohet pa linjat strikte të lyerjes klasike.

Nëse doni të bëheni bionde, por pa vizituar vazhdimisht sallonin tuaj të bukurisë, kjo nuancë është idealja.

Burimi: Marie Claire