Një ditë jo e bukur për të qenë influencues në Kinë dhe ndan këshilla për financa, shëndet, arsim apo ligj, pa pasur diplomë në dorë në Kinë.
Autoritetet kineze kanë prezantuar rregulla të reja që kërkojnë që çdo person që flet për fusha profesionale në rrjete sociale të provojë kualifikimin e vet përpara se të publikojë përmbajtje.
Sipas Administratës së Hapësirës Kibernetike të Kinës (CAC), influencuesit duhet të kenë diplomë universitare, trajnim zyrtar ose ekspertizë të verifikuar përpara se të japin këshilla që lidhen me mjekësinë, financat, edukimin apo ligjin.
Qëllimi, sipas autoriteteve, është të ndalohet përhapja e dezinformimit dhe të garantohet që këshillat profesionale online të vijnë nga burime të besueshme.
Por jo të gjithë e shohin këtë si një hap pozitiv. Analistët digjitalë paralajmërojnë se rregullat e reja mund të kufizojnë zërat e pavarur dhe të përforcojnë kontrollin e shtetit mbi diskutimin publik në internet, sidomos në një kohë kur rrjetet sociale janë kthyer në burim alternativ informacioni.
Platforma si Douyin, Weibo dhe Bilibili do të jenë tani përgjegjëse për të verifikuar llogaritë e krijuesve. Ata që nuk zbatojnë rregullat rrezikojnë pezullim të profilit, mbyllje të përhershme apo edhe gjoba deri në 100,000 juan (rreth 14,000 dollarë).
Ky vendim është pjesë e përpjekjes më të gjerë të Pekinit për të “pastruar” përmbajtjen në rrjet dhe për të siguruar një komunikim “të shëndetshëm dhe të rregullt”, siç e përkufizon qeveria kineze.
