Që prej të premtes, Kim Kardashian dhe Kanye West kanë zyrtarisht 5 vite të martuar. Dasma ekstravagante disa ditore u mbajt në Itali dhe me të drejtë mund të prisnit diçka të ngjashme për përvjetor, por jo.

Çifti thjesht doli për një darkë të qetë në Los Angeles. Kim veshi një fustan të zi dhe taka, ndërsa Kanye pantallona të zeza, bluzë të bardhë dhe xhaketë Carhartt.

“U ulën në një tavolinë në cep dhe hëngrën darkë nën dritën e qirinjve,” tha një burim për E! News. “Folën me njëri-tjetrin gjithë kohës, buzëqeshnin shpesh. Ishin të qetë. I trguan njëri-tjetrit foto në telefon dhe rrëfyen histori të ndryshme.”

Sigurisht, u trajtuan mirë nga stafi i restorantit, të cilët i uruan për përvjetorin dhe u sollën në tavolinë pjata të veçanta.

Darka e përvjetorit ishte vërtet diçka e vogël dhe e qetë, por Kim pati plane të mëdha për firmën e saj, KKW Beauty. Të premten, ajo nxorri në treg një koleksion të veçantë në nder të ditës kur u martua. Koleksioni Mrs. West u frymëzua nga grimi i saj ditën e dasmës, i cili u realizua nga kush tjetër veçse Mario Dedivanovic.

“Ky koleksion është shumë i veçantë për mua; paketimi, nuancat dhe emri, sigurisht,” tha Kim në një deklaratë. “Jo vetëm që mund të krijoni look-e fantastike me këto produkte, por më pëlqen ideja që kujtimet nga dita më e lumtur e jetës sime janë kremtuar në këtë koleksion. Më emocionon fakti që të gjithë ju do të keni në duar një copëz të asaj dite.”