Kur duam t’i shtojmë dimension dhe gjallëri fytyrës sonë, dy produkte ofrojnë zgjidhjen: bronzer-i dhe highlighter-i.
Bronzer-i i jep “jetë” fytyrës dhe imiton pamjen e nxirjes nga dielli, ndërsa highlighter-i ndriçon pikat e duhura dhe nxjerr në pah tiparet tona.
Ky produkt aplikohet në zonat ku dielli bie natyrshëm: mollëzat, ballin, hundën dhe mjekrën. Është e rëndësishme të zgjidhni një nuancë që është vetëm 1-2 nuanca më e errët se lëkura jonë për t'u dukur natyrale.
Nëse keni lëkurë me yndyrë, zgjidhni një version pudër me teksturë mat, ndërsa për lëkurë më të thatë ose mikse, një teksturë kremoze përshtatet më mire me lëkurën dhe jep një rezultat më uniform. Ekzistojnë gjithashtu bronzer-a të lëngshëm, të cilët kombinojnë mbulimin e lehtë me një ndjesi "lëkure të dytë" dhe janë ideale për një pamje të bukur që realizohet shpejtë dhe një grim natyral.
Po ashtu, mund të aplikohet edhe në qepallën e syrin, në formën e një toni neutral.
Nga ana tjetër, highlighter-i vendoset në pikat më të larta të fytyrës, mbi mollëza, në kockën e vetullave, në majen e hundës dhe në buzën e sipërme për të shtuar dritë dhe freski. Mund ta aplikojmë edhe në pjesën e brendshme të syve për një pamje më të bukur ose ta përziejmë me fondatinën tonë për një përfundim akoma më të mirë, duke bërë që lëkura të shkëlqejë dhe të duket e hidratuar.
Përveç kësaj, mund ta aplikojmë edhe në pjesë të trupit, siç janë shpatullat ose klavikulat, për një shkëlqim të përgjithshëm, sidomos në rastet kur veshim bluza apo fustane me dekolte të theksuar.
Këto dy produkte janë të domosdoshme për verën, kur duhet të realizojmë një grim natyral, por sërish të shkëlqejmë.
Artikuj të sugjeruar:
