Kelly Clarkson ka treguar në intervistën e saj me Zane Lowe se divorci nga Brandon Blackstock e ka lënduar më shumë nga ç’mund të mendohet.
“Që të super e sinqertë, s’e kam përballuar divorcin mirë. Nuk e di sesi njerëzit e kalojnë diçka të tillë, sepse nuk mund të them se unë e kalova shumë mirë”, theksoi këngëtarja, e cila firmosi divorcin nga ish-bashkëshorti në qershor të vitit 2020. Ajo dhe Brandon kanë qenë të martuar prej 7 vitesh.
Clarkson shtoi se qau aq shumë sa nuk mund të fliste. Për mënyrën e përballimit të kësaj ngjarjeje, ajo fajësoi “zakonet e pashëndetshme” që kishte përftuar gjatë martesës, duke u shprehur se edhe ato ndikuan në pikëllimin pas divorcit.
Me “zakone të pashëndetshme”, Clarkson i referohet faktit që vendosi nevojat e ish-bashkëshortit para të vetave.
“Kjo s’më shërbeu shumë mirë. Ka shumë zakone të pashëndetshme në një lidhje, të cilat ti i mendon si zakone që s’i ke vënë re më parë”, u shpreh ajo. Më parë, Clarkson është shprehur edhe se martesa e saj me Blackstock ishte “e limituar”, pasi egoja u fut në mesin e tyre.
Clarkson dhe Blackstock janë prindërit e dy fëmijëve, River Rose (9 vjeç) dhe Remington (7 vjeç) dhe prej kohësh u përfshinë në një betejë ligjore për kujdestarinë e tyre. Sot, Kelly ka kujdestarinë e fëmijëve dhe bashkëprindëron me Brandon.
Artikuj të sugjeruar:
