Më 21 janar jemi futur zyrtarisht në sezonin e Ujorit, për të qëndruar në të deri më 18 shkurt. Siç tashmë është traditë, gjatë këtyre ditëve vëmendja më e madhe do të shkojë për këtë shenjë të zodiakut dhe veçanërisht sot, për gratë e Ujorit.
Çfarë e karakterizon një grua Ujor?
Kur takon për herë të parë një vajzë apo grua të shenjës së Ujorit, pavarësia është ajo që vihet re menjëherë. Mendoni për Oprah Winfrey-n ose Ellen DeGeneres për ta vërtetuar këtë gjë.
Është në gjakun e tyre të rezistojnë të jenë dikush që të tjerët presin dhe ato përpiqen të jenë antikonformiste. Asgjë nuk mund ta mposhtë një grua Ujor, nuk ka pengesa që ajo nuk mund t’i kalojë sidomos kur bëhet fjalë për të provuar diçka që dikush ka dyshimin nëse ajo mund ta bëjë apo jo.
Natyra e çuditshme e Ujorit ka tendencën që t’i bëjë e tjerët ziliqarë pasi gruaja Ujor, megjithëse një shenjë ajri, duket shumë me këmbë në tokë dhe një person praktik. Ajo nuk është tradicionale në asnjë formë ose mënyrë: asaj i pëlqen t’i bëjë rregullat si t’i vijnë.
Është interesante të thuhet se gratë e shenjës së Ujorit vlerësojnë mbi gjithçka pavarësinë e tyre. Kjo nuk lidhet thjesht me disa aftësi lidershipi që ato kanë, por sepse nuk janë të interesuara të duken si gjithë të tjerët. Kjo reflektohet në çdo aspekt të jetës së tyre, në shoqëri, në marrëdhënie, në punë e deri në mënyrën se si ato vishen.
Stili i veshjes së grave Ujor është shumë i veçantë pasi ato nuk ndjekin trendet dhe modën, por vishen si janë vetë më rehat. Ujori është një shenjë revolucionare në shumë aspekte dhe kjo i shkon shumë stilit të pavarur të jetës që ato kanë.
Nevoja për drejtësi kontribuon në nevojën e Ujorit për pavarësi. Ato ngrejnë zërin për atë që është e drejtë edhe nëse janë të vetmet që mbajnë atë mendim. Shumë njerëz tërhiqen nga gratë Ujor për personalitetin e tyre të përcaktuar dhe fuqinë e brendshme.
Ato njihen si të shkëputura (të largëta) nga disa situata dhe kjo lidhet me natyrën e tyre të pavarur që i vendos veçmas nga shenjat e tjera të horoskopit. Kjo shkëputje mund të ndikohet edhe nga sa të ndjeshme mund të jenë në atë moment dhe shpesh ato zgjedhin që të qëndrojnë të tërhequra sesa të lëndohen.
Të lindurat e kësaj shenje kanë tendencën të bëjnë biseda të gjata e të thella për dashurinë në mes të natës, të flasin për diçka ose gjithçka, ose të shpenzojnë natën në heshtje me të dashurit e tyre.
Një element shumë i rëndësishëm është se atyre nuk u pëlqen të kërkojnë ndihmë sepse ato e dinë se çfarë po bëjnë. Ujoret duan të jenë të çliruara nga fuqitë autoritare dhe të ndryshojnë botën.
Burimi: Elite Daily
Artikuj të sugjeruar:
