Foto: Jona Spahiu/ Instagram

Më shumë se moderatore, Jona Spahiun mund ta quajmë një ikonë mode në vendin tonë. Mjafton të hedhësh një sy në Instagramin e saj dhe përveçse do dallosh sa bukur vishet, do të të bjerë në sy dhe fakti se Jona nuk është se ndjek shumë trendet.

Për këtë flet dhe postimi i saj i fundit, ku Jona tregon se në vend që të ndjekë trende, ka krijuar ca rregulla të sajat për kombinimin e rrobave që herë pas here ia kujton vetes. Ja cilat janë:

1. Xhinse të bardha!

Të pakoha, gjithmonë elegante dhe ndryshe nga të tjerët.

2. Golfi i zi

Poshtë një këmishe akull të bardhë për një look të sturkturuar.

3. Sandalet balerina

Por jo me kombinime "vajzërore". Provo t'i veshësh me xhinse të gjera, rroba më sportive për balancim.

4. Luaj me teksturat dhe modelet

Krijo artin tënd, me pak fjalë.

5. Printi i zebrës

Gjithmonë super chic, pavarësisht se vjen e shkon me trendet.

6. Bluzë e bardhë

E veshur poshtë trikove të ngrohta të thurura.

7. Lëkura!

Rruga e shkurtër për t'u dukur mjaftueshëm bukur dhe e sistemuar.

8. Xhaketë bomber + bluzë e ngushtë + fund

Nëse do të dukesh e guximshme dhe plot me stil.

9. Palltot e guximshme

Mundësisht mbi një kombinim kokë e këmbë me të zeza.

10. Zëvendëso atletet me mokasinot

Do u dukesh kaq bukur të tjerëve që s'do e kuptojnë se çfarë ndryshimi ke bërë.

11. Pantallona Bermuda + çizme

Je ti bosi me këtë kombinim dhe pikë.

12. Një ngjyrë e ndezur.

Duhet të kesh gjithmonë një ngjyrë që duket sikur shfaqet nga hiçi. Është si një befasi fantastike.