Përgjatë 10 edicioneve të transmetimit të Big Brother Albania, ka patur shumë lidhje të krijuara brenda shtëpisë. Ndonëse numri i marrëdhënieve të krijuara është i madh, numri i atyre që i kanë rezistuar kohës edhe pas daljes nga shtëpia është shumë më i vogël, prandaj edhe lista do të jetë e shkurtër.
- Big Brother 4
Një nga marrëdhëniet më të diskutuara të këtij sezoni kanë qenë çifti Neda-Ogren. Neda Karafili dhe Ogren Balluku u martuan verën e 2015-ës dhe sot janë prindër të dy djemve, Serzh dhe Zai. Aktualisht, Ogreni është i punësuar si shef i sektorit të Vlerësimit dhe Analizës, në Ministrinë e Mbrojtjes, ndërsa Neda, e diplomuar për Filozofi, njihet për botimin e librit të saj të parë, "Archea".
- Big Brother 7
Ky çift përbën një përjashtim. Edicioni i 7 është ai ku të gjithë konkurrentët hyjnë me një sekret dhe detyra e tyre ishte të zbulonin sekretet e konkurrentëve të tjerë. Sekreti i Matildës dhe Fatjonit ishte fakti që ishin të martuar. Fatjon dhe Matilda Gega u bënë prindër të një vajze në 2017-ën.
- Big Brother 9
Një prej çifteve më të përfolur të këtij sezoni kanë qenë dyshja Xheni-Benard. Zënkat dhe debatet e tyre morën vëmendje, jo vetëm brenda, por edhe jashtë shtëpisë. Pas ndarjes së bujshme, çifti ka bërë publike ri-lidhjen së fundmi.
Përsa i përket një rikthimi të Big Brother si format, është përfolur disa herë një mundësi e rikthimit, por nuk ka rezultuar në diçka konkrete. Për më shumë informacion, klikoni këtu.
