Janari ka qenë majft i ngarkuar dhe pak i vështirë për t'u menaxhuar. Java që vjen mund të ndihet si periudha e duhur për të qenë të gatshëm ndaj mundësive të reja. Kjo, për shkak të ndikimit të Hënës së Re në Bricjap më 18 janar. Qëllimi gjatë kësaj jave është të riktheni vëmendjen tek qëllimet tuaja dhe të filloni pa humbur kohë të ecni drejt tyre.
Ditët e para të javës, deri në datën 22 janar janë idealet për të shkëlqyer në punë. Kini parasysh se 23 janari mund të jetë mjaft intensiv, pasi çështje të reja dalin në sipërfaqe, ndërkohë disa të tjerë mund të përballen me anët e errëta të vetes ose të të tjerëve. Sigurohuni të bëni hapa të sigurt e me ide të qarta.
Dashi
Java e ardhshme është një nga më të rëndësishmet për jetën tuaj profesionale, Dash. Përfitoni maksimalisht! Duhet të jeni strategjik dhe të synoni sa më shumë arritje. Gjithashtu mund të prisni mundësi të reja nga universi. Një rritje page, ofertë e re pune ose një vlerësim mund të jetë afër, por nuk duhet vetëm të prisni, dilni dhe kërkojini mundësitë.
Demi
Hapni krahët dhe shkoni drejt rrugëve të reja, Dem. Yjet tregojnë se kjo është koha e duhur për të nisur një udhëtim drejt të panjohurës. Sa më shumë që qëndroni në zonën tuaj të rehatisë, aq më shumë po e humbisni këtë energji fatlume. Udhëtimet, por edhe lidhjet me njerëz të largët janë gjithashtu të favorshme tani, po ashtu edhe çështjet ligjore.
Binjakët
Kjo javë mund t’ju japë mundësi të përqendroheni te çështjet e pasurive të mëdha, Binjakë. Lajmet për bonuse, përfitime, kredi, bursë ose trashëgimi mund të jenë afër. Po ashtu, mund të jeni duke menduar për shlyerjen e një borxhi. Nëse keni qenë të interesuar në marrjen e një kredie, ky është momenti i duhur për ta kërkuar. Përqendrohuni te mënyrat se si mund të rrisni pasurinë tuaj.
Gaforrja
Një nga javët më të rëndësishme të vitit për marrëdhëniet ka mbërritur për ju, Gaforre. Mund të ndieni se dyert po hapen për një nivel më të lartë bashkimi. Kjo vlen më së shumti për çiftet që janë bashkë, qoftë në biznes apo personalisht, mund të bëni premtime afatgjata, të fejoheni ose të martoheni. Kontratat janë gjithashtu të favorshme tani. Megjithatë, nëse për ndonjë arsye duhet të ndaheni, universi po ju shtyn drejt një drejtimi të ri.
Luani
Produktiviteti është fjala kyçe tani, Luan. Mund të keni mundësinë për një stil jete më të shpejtë dhe e gjitha kjo fillon këtë javë. Rutina dhe përgjegjësitë, puna, kolegët, stafi, kafshët shtëpiake ose shëndeti, këto janë temat ku do të duhet të përqendroheni më së shumti këtë kohë. Një nga këto fusha do të jetë veçanërisht e ngarkuar për ju, por është e rëndësishme të krijoni një barazpeshë të shëndetshme punë-jetë.
Virgjëresha
Lejoni që një zjarr të ndizet brenda zemrës tuaj tani, Virgjëreshë. Universi thotë se është koha të përqafoni kënaqësinë dhe bukurinë në të gjitha format e saj. Dashuria që jepni do të jetë veçanërisht në vëmendje për ju këtë periudhë, qoftë në aspektin romantik, përmes krijimtarisë ose ndaj një fëmije. Dyert janë të hapura për beqarët që të gjejnë dikë special, ose për çiftet që të ringjallin shkëndijën mes tyre, prandaj planifikoni momente të veçanta këtë javë dhe për pjesën tjetër të muajit.
Peshorja
Prisni ndryshime në jetën tuaj personale. Mund t'ju duhet të shkoni diku apo të bëni disa rregullime në shtëpi. Disa mund të vizitohen nga një i afërm. Nëse përballeni me ndonjë çështje që lidhet me familjen, kjo është koha për të vepruar dhe për ta zgjidhur atë.
Akrepi
Çdo gjë që lidhet me mësimin apo aktivitetet e lidhura me komunikimin mund të jenë frytdhënëse këtë javë. Veçanërisht nëse bëhet fjalë për të nisur një blog, për të marrë pjesë në një podkast ose thjesht për të nisur një vëllim librash që dëshironi ta lexoni aq shumë. Një kontratë mund të shfaqet për disa prej jush në këtë periudhë. E gjithë zhurma dhe ndryshimet që ndodhin tani, mund të shoqërohet me një sërë udhëtimesh. Bëhuni gati, mund të keni shumë gjëra për të menaxhuar.
Shigjetari
Pasuria është në mendjen tuaj tani, Shigjetar, dhe lajmi i mirë është se mund të rrisni fitimet! Një derë po hapet për më shumë të ardhura, qoftë përmes një ofertë pune, rritje page ose klienti të ri. Nëse nuk shfaqet asgjë e re, veproni me strategji dhe kërkoni mënyra për të fituar para ose për të gjetur një punë më të mirë.
Bricjapi
Kjo është një nga javët më të rëndësishme të vitit për ju, Bricjap. Tani është koha për të kuptuar saktësisht se çfarë doni të arrini personalisht ose profesionalisht këtë vit. Mendoni si po planifikoni ditët, javët dhe muajt për të arritur qëllimet tuaja. Marrëdhëniet e rëndësishme mund të jenë gjithashtu vendimtare gjatë kësaj periudhe.
Ujori
Keni qenë më të qetë dhe kjo energji vazhdon këtë javë. Edhe pse sezoni i datëlindjes është afër, mund të ndiheni të lodhur ose duke reflektuar për atë që dëshironi të ndërtoni në të ardhmen. Një mënyrë e mirë për të shfrytëzuar energjinë mund të jetë duke takuar specialistë, të cilët nuk do e kursejnë ndihmën ndaj jush.
Peshqit
Nëse vëmendja nuk ka qenë aq sa duhet mbi ju këtë muaj, kjo mund të ndryshojë këtë javë! Prisni mesazhe dhe vlerësime nga fansa, miq dhe mbështetës për fitore të mëdha. Shpresa, ëndrra ose dëshira mund të jenë shumë pranë realizimit për ju. Kërkoni ndere dhe dyert mund të hapen. Bëhuni yll!
