Kjo javë pritet të jetë e mbushur me ngjarje të rëndësishme. Për shumë vite me radhë, kemi ndier energjinë e Neptunit, planeti i imagjinatës dhe i iluzioneve , duke notuar në thellësitë e shenjës së Peshqve. Më 26 janar, Neptuni do të largohet nga kjo shenjë Uji për të hyrë në Dash.
Shpeshherë, kur një planet i madh i jashtëm largohet përgjithmonë nga një pjesë e qiellit, ne përballemi me mësimet që kemi marrë vitet e fundit. Gjatë kësaj jave mundësitë për të përjetuar kënaqësi, lumturi dhe sukses janë të mëdha.
Dashi
Vitet e fundit, ke vënë re se intuita jote ose është forcuar ndjeshëm, ose të flet në mënyrë të tërthortë, si në enigma. Madje, disa prej jush mund të kenë ndjerë një lidhje më shpirtërore me universin, duke parë shenja dhe vizione të asaj që ka qenë, që është dhe që mund të jetë.
Të tjerë mund të kenë vënë re se kreativiteti dhe aftësia për të gjeneruar ide është shtuar , veçanërisht kur punon në vetmi. Mënyra më e mirë për ta shfrytëzuar këtë energji të mbetur është të gjesh qetësinë, të përpiqesh të lidhesh me energjinë e universit dhe ta lejosh veten të udhëhiqesh nga intuita, Dash.
Demi
Prej disa vitesh, e ke ngushtuar rrethin tënd shoqëror, Dem. Disa prej miqve të tu kanë qenë vizionarë e krijues duke të hapur mendjen dhe duke të inkurajuar të shijosh çdo gjë që jeta të ofron.
Përpos tyre, ka patur edhe miq prej të cilëve je zhgënjyer, pasi ke arritur të kuptosh si kanë qenë ata në të vërtetë. Përdor pjesën e mbetur të muajit për të vendosur me kujdes se kë dëshiron të mbash pranë.
Binjakët
Gjatë dekadës së fundit, ke përjetuar disa ngritje dhe ulje në jetën dhe ambiciet e tua profesionale, Binjak. Disa prej jush mund të jenë ndier papritur të frymëzuar për të ndjekur rrugë të reja dhe për t’u ngjitur më lart se kurrë më parë.
Megjithatë, të tjerë mund të jenë ndier të humbur dhe të pasigurt. Në javët që vijnë, mendo se si mund të gjesh një rrugë që flet vërtet me shpirtin tënd dhe të lejon të shprehesh më gjallërisht.
Gaforrja
Prej kohësh, ke ndjerë një nevojë më të thellë për t’u harmonizuar me universin, Gaforre. Në fakt, dëshira jote për të zgjeruar perceptimin mbi botën, universin dhe qëllimin tënd ka qenë në ndryshim të vazhdueshëm.
Mësimet që po merr tani, do të të ndihmojnë të reflektosh mbi të shkuarën dhe të kuptosh se ku dëshiron të arrish.
Luani
Si romantik/e i/e zjarrtë, ti kërkon dashuri të thellë. Vitet e fundit të kanë mësuar shumë për ndjeshmërinë, intimitetin dhe ndarjen emocionale. Disa prej jush kanë kuptuar se lidhja shpirtërore është më e rëndësishme se pasioni i çastit, ndërsa të tjerë kanë kërkuar shërim për plagë të së kaluarës.
Virgjëresha
Vitet e fundit, energjia kozmike të ka orientuar drejt partneriteteve, Virgjëreshë. Kjo mund të lidhet me biznesin, bashkëpunimet ose jetën personale. Disa partneritete kanë qenë të mira e transformuese, ndërsa disa të tjera kanë rezultuar të vështira.
Megjithatë, disa prej jush mund të kenë krijuar lidhje të vërteta shpirtërore, me shpirtra binjakë. Tani është koha të reflektosh mbi gjithçka që këta njerëz të kanë mësuar.
Peshorja
Vitet e fundit kanë qenë sfiduese ndaj rutinës, ekuilibrit mes punës dhe jetës, punësimit, apo edhe ndaj çështjeve të shëndetit. Edhe në momentet kur një nga këto fusha ka qenë mirë, të tjerat kanë qenë stresuese.
Gjëja më e mirë që mund të bësh tani është të mos biesh pre e iluzioneve dhe të përqendrohesh në të kuptuarit të së vërtetës, çfarë të nevojitet, ku ndodhesh dhe ku dëshiron të shkosh.
Akrepi
Vitet e fundit, Akrep, ke pasur një uri të thellë për dashuri të vërtetë dhe për të shprehur veten. Edhe pse gjithmonë ke qenë i/e ndjeshëm/e, ndonëse e ke shprehur hapur ose jo, ke pasur një dëshirë të madhe për një lidhje që të përmbush në nivelet më të thella dhe të të rrëmbejë plotësisht.
Disa janë ndier të humbur në ndjenja, të tjerë janë përfshirë në marrëdhënie sfiduese. Tani është momenti i reflektimit dhe i qartësimit të dëshirave të zemrës.
Shigjetari
Kur vjen puna te jeta familjare dhe çështjet që lidhen me shtëpinë, Shigjetar, preferon t'i marrësh gjërat ashtu siç t'i sjell jeta. Si një nga shenjat më fleksibël të zodiakut, për sa kohë po argëtohesh pak, mund të përballosh çdo sfidë që të del përpara.
Gjatë viteve të fundit, ke vënë re se ka pasur luhatje mbi këto tema, ndonjëherë dyshime dhe herë të tjera iluzione për t’u sqaruar. Gjëja më e mirë që mund të bësh tani është të kuptosh se si mund t’i kushtosh vëmendje çdo shenje dhe të lidhesh me thellësinë e emocioneve të tua.
Bricjapi
Për më shumë se një dekadë, fokusi ka qenë te komunikimi dhe mendimet e tua, Bricjap. Disa ide kanë qenë frymëzuese dhe lidhjet me njerëz të caktuar të kanë ndihmuar të ecësh përpara.
Të tjerë, megjithatë, janë ndier të keqkuptuar. Çelësi tani është reflektimi mbi çdo gjë që ke kaluar për të kuptuar çfarë ke mësuar.
Ujori
Financat dhe mirëqenia kanë qenë në qendër të vëmendjes tënde Ujor. Disa kanë manifestuar të ardhura, të tjerë kanë ndier humbje.
Mësimi kryesor që mund të kesh kuptuar është se vlera e vërtetë nuk është paraja, por mundësitë që vijnë prej saj.
Peshqit
Që nga fillimi i viteve 2010, Peshk, ke pasur një magnetizëm të veçantë. Ke qenë në gjendje të magjepsësh, të mahnitësh dhe të ndryshosh formën e sjelljes sipas dëshirës. Megjithatë, disa prej jush mund të jenë ndjerë të humbur mes emocioneve dhe iluzioneve.
Tani është koha të çlirosh plotësisht anën tënde shpirtërore e krijuese dhe me shumë mundësi shpërblime të mëdha mund të vijnë.
