Ka shumë gjasa që gjatë kësaj periudhe të kesh qenë i përfshirë me çështje që lidhen me pasuritë e paluajtshme, ose i shqetësuar për kujdesin dhe mirëqenien e një anëtari të familjes, qoftë një person i moshuar, një fëmijë, apo dikush që ka pasur nevojë për mbështetjen tënde financiare apo emocionale. Tani duket se kjo çështje do të arrijë një përfundim brenda pesë ditëve nga Hëna e plotë e 5 nëntorit në Dem. Situata mund të ketë zgjatur gjatë, ndaj është krejtësisht e kuptueshme nëse ndihesh i lehtësuar që më në fund po mbyllet.
Në të njëjtën kohë, jeta jote shoqërore do të gjallërohet gjatë gjithë muajit, por duhet të tregohesh i kujdesshëm gjatë javës së parë të nëntorit. Një aspekt shpërthyes gjatë Hënës së plotë më 5 nëntor mund të prishë një moment të bukur, ndaj qëndro vigjilent.
Urani i paparashikueshëm do të jetë në kundërshtim direkt me Marsin dhe Mërkurin, gjë që mund të shkaktojë një debat të papritur mes teje dhe një miku apo kolegu, për të cilin ke ndjesi pozitive. Miku yt mund të të befasojë duke treguar një anë të re të tij, që nuk e kishe parë më parë ndonjëherë.
Është e mundur që ngjarja të ketë një natyrë biznesi, prandaj nëse ndodh diçka, mund të krijojë një situatë të sikletshme, sepse Mërkuri, që përfshihet në këtë energji të nderë, sundon reputacionin dhe përparimin tënd në karrierë. Më e mira do të ishte të mos përziesh punën me argëtimin gjatë kësaj kohe, edhe pse Jupiteri dhe Saturni do të të mbrojnë, në mënyrë që të mos humbasësh respektin apo admirimin e të tjerëve gjatë Hënës së plotë. Për të shmangur tensionet, kujdesu për mënyrën si e shpreh veten dhe çfarë fjalësh përdor. Gjatë Hënës së plotë më 5 nëntor (dhe pesë ditë rreth saj), njerëzit do të jenë emocionalisht të ndjeshëm.
Përveç kësaj, gjatë javës së parë të nëntorit, Mërkuri do të nisë lëvizjen në prapavijë në Shigjetar, nga 9 nëntori deri më 29 nëntor (duke u kthyer në Akrep më 18 nëntor). Kjo tregon se një keqkuptim i thjeshtë apo një koment i pamenduar mund të jetë shkaku i problemit, gjë që, me pak mirëkuptim, mund të zgjidhet lehtë.
Hëna e re e 20 nëntorit në Akrep do të të ofrojë një mundësi për të shkëlqyer në industrinë tënde. Mund të marrësh publicitet pozitiv, që të ndihmon të ngjitesh më lart në karrierë. Nëse po intervistohesh për një punë të re ose je gati të hapësh biznesin tënd, ky është muaji i duhur për të përgatitur planin tënd.
Hënat e reja kanë ndikim afatgjatë, ndaj prit deri pas datës 29 nëntor, kur Mërkuri të kthehet në drejtim të rregullt, ose edhe më mirë, vepro në dhjetor!
Jupiteri në Gaforre do t’i dërgojë rreze të arta kësaj Hëne të re, njëjtë edhe Plutoni në Ujor; të dy do ta mbështesin fuqishëm këtë Hënë të re plot energji. Për më tepër, Saturni, sundimtari yt i lashtë, në bashkëpunim me Neptunin, do t’i japë një nxitje të madhe kësaj Hëne të re në Akrep, që do të ndriçojë shtëpinë tënde të dhjetë, fushën e karrierës dhe arritjeve. Hëna e re do të vijë së bashku me Diellin dhe Mërkurin në Akrep (dhe Afërdita është gjithashtu aty, pak më e largët). Të gjitha këto planete; Saturni dhe Neptuni te Peshqit; Jupiteri në Gaforre; Dielli, Hëna e re dhe Mërkuri në Akrep; do të krijojnë një trekëndësh të artë harmonie, që do të hapë një mundësi të rrallë për ty, nëse je gati ta shfrytëzosh.
Megjithatë, në këtë tablo thuajse perfekte, ka një pengesë: Urani, sundimtari yt i paparashikueshëm, do të kundërshtojë planetet në shtëpinë tënde të dhjetë të famës dhe nderimeve; pra Diellin, Hënën e re dhe Mërkurin. Urani, që ndodhet në shtëpinë e katërt të familjes dhe shtëpisë, mund të shkaktojë një situatë urgjente në shtëpi, qoftë me hapësirën fizike, qoftë me një anëtar të familjes, pikërisht në kohën kur mund të jesh duke festuar një fitore profesionale.
Ti mund t’i përballosh të dyja, sepse je me përvojë dhe vetëdija se diçka e rëndësishme mund të ndodhë do të të ndihmojë të mbash axhendën tënde të lehtë, në mënyrë që të reagosh shpejt dhe të përballosh gjithçka që kërkon vëmendje.
Nëntori do të jetë një muaj përmbysjesh, ku poshtë do të kalosh ca ulje-ngritje. Do të jetë një periudhë që do të sfidojë mënyrën se si e percepton qëndrueshmërinë dhe parashikueshmërinë. Një përzierje emocionesh dhe mesazhesh të ndryshme do ta karakterizojë këtë muaj.
Marsi, planeti i energjisë, do të hyjë më 4 nëntor në shtëpinë tënde të dhjetë të nderimeve, çmimeve dhe arritjeve, për herë të parë pas dy vitesh dhe do të qëndrojë deri më 15 dhjetor. Kjo do të vendosë dritën mbi arritjet e tua profesionale. Nëse shpreson për vëmendje publike drejt fundit të vitit, ka shumë gjasa ta marrësh. Nëse ke qenë në proces intervistash për një pozicion të ri që përfaqëson një hap përpara, vazhdo përpjekjet dhe mos lejo askënd të të thotë se askush nuk punëson gjatë festave, ndodh dhe mund të jesh pikërisht ti.
Besohet se dhjetori do të jetë muaji yt më i mirë për të arritur një fitore në karrierë, ndaj ruaj besimin. Saturni dhe sundimtari yt, Neptuni, do të mbështesin përpjekjet për përparim. Jupiteri, që ndodhet në shtëpinë tënde të pestë të kreativitetit, mund të sjellë një detyrë emocionuese që do të të lejojë të tregosh imagjinatën tënde. Si Peshqit, zakonisht ndihesh më i lumtur kur mund t’i japësh një prekje artistike projekteve që merr përsipër dhe ky konfigurim mund të të japë mundësinë për ta bërë këtë. Megjithatë, në fillim të muajit do të ketë një problem për shkak të Uranit.
Hëna e plotë e 5 nëntorit do të qëllojë në Dem, në shtëpinë tënde të tretë të komunikimit dhe udhëtimeve të shkurtra. Mund të jesh duke përfunduar një raport të rëndësishëm dhe duke u përpjekur ta përmbyllësh me sukses. Ose mund të jesh duke nënshkruar një kontratë apo marrëveshje. Përndryshe, mund të përgatitesh për një fjalim, lançimin e një faqeje të re interneti ose publikimin e një aplikacioni. Papritur, sado që gjithçka të ketë ecur mirë deri atëherë, pranë datës 5 nëntor mund të përballesh me pengesa të papritura. Shëno datat 4 deri më 10 nëntor, kur Hëna e plotë mund të sjellë lajme zhgënjyese.
Shmang udhëtimet dhe mos nënshkruaj dokumente afër datës 5 nëntor. Arsyeja është se Marsi do të jetë në kundërshtim të plotë me Uranin, planetin e ngjarjeve të befta. Ky është një aspekt shpërthyes dhe i tensionuar, që mund të krijojë konflikt mes detyrave të punës jashtë shtëpisë dhe përgjegjësive familjare. Nuk rekomandohet të udhëtosh as në fund të nëntorit ose të nisësh plane të reja në atë periudhë.
Ndërkohë, Merkuri do të jetë në prapavijë nga 9 deri më 29 nëntori, në Shigjetar. Kjo do t’i japë muajit një ritëm të ngadalshëm, duke sjellë vonesa e shtyrje tipike për Mërkurin. Mos u zemëro me vonesat; ato do të jenë në favorin tënd.
Hëna e re e 20 nëntorit do të ndikojë marrëdhëniet e gjata në distancë, projektet ndërkombëtare ose çështjet e tregtisë jashtë vendit. Po ashtu, mund të ketë zhvillime të papritura që lidhen me emigracionin, dokumentet e qëndrimit, pasaportën apo vizën. Nëse je student në universitet dhe duhet të japësh një provim të rëndësishëm, merre seriozisht! Mund të të befasojë me pyetje të vështira. Mos nxito, sepse prapavija e Mërkurit mund të të bëjë të kalosh me shpejtësi pyetje, pa i kuptuar mirë.
Mërkuri në prapavijë nga 9 deri më 29 nëntori do të ndikojë edhe në sektorin tënd të karrierës. Do ta ndjesh këtë efekt që në fillim të muajit, përpara se të nisë zyrtarisht prapavija. Shtëpia e nëntë gjithashtu lidhet me çështje ligjore, ndaj vepro me kujdes, mos u nxit për të firmosur asgjë. Ka gjasa që të të ushtrohet presion për të pranuar kushte sa më shpejt, por është më mirë që një avokat t’i shqyrtojë dokumentet. Nëse punon në media, botime, transmetime, apo në botën digjitale, do të jesh veçanërisht i ndjeshëm ndaj efekteve të Mërkurit.
Rreth datave të dy hënave (5 dhe 20 nëntor), mbaje axhendën jo shumë të zënë, sepse mund të duhet të heqësh dorë nga gjithçka për t’u marrë me lajme që vijnë në momentin e fundit. Ky muaj do të kërkojë shumë prej teje, por përparimi do të vijë ngadalë e me qëndrueshmëri.
Shëno datën 16 nëntor, kur Jupiteri në Gaforre do të jetë në harmoni të përkryer me Diellin në Akrep. Po atë ditë, Saturni te Peshqit do t’i shtojë bekimet e qëndrueshmërinë për përfitimet afatgjata, duke formuar një trekëndësh të shkëlqyer mes shenjave të Ujit. Në një muaj që do të na mbajë të gjithë në tension, kjo ditë do të jetë veçanërisht fatlume për ty.
Copyright Anabel.al / Ndalohet ribotimi pa lejen e redaksisë.
