Princi Harry dhe Meghan Markle kanë hapur dyert e vilës së tyre në Montecito, që ka vlerën 29 milionë dollarë, për miqtë dhe të dashurit e tyre që ishin detyruar të evakuoheshin për shkak të zjarreve masive që po shpërthyen në jug të Kalifornisë.
Duka dhe Dukesha e Sussex-it gjithashtu i kanë bërë thirrje banorëve të Los Angeles të bëjnë të njëjtën gjë në një deklaratë në faqen e tyre të internetit, Sussex.com, ndërsa zjarret vazhdojnë të shkatërrojnë shtëpitë e të famshmeve, duke lënë pas vetëm hi dhe rrënoja.
Deri më tani, 10 persona kanë humbur jetën në një nga zjarrët më shkatërruese në historinë e zonës, më shumë se 10,000 struktura ishin shkatërruar, rreth 400,000 konsumatorë ishin pa energji elektrike dhe mbi 180,000 njerëz ishin evakuuar.
“Po, nëse një mik, i dashur ose kafshë duhet të evakuohen dhe ju jeni në gjendje t’i ofroni atyre një strehë të sigurt në shtëpinë tuaj, ju lutemi bëjeni. Dhe sigurohuni të kontrolloni çdo fqinj të sëmurë ose të moshuar për të parë nëse ata kanë nevojë për ndihmë për evakuim,” tha çifti.
“Ju lutemi merrni parasysh dhurimin e rrobave, lodrave për fëmijë dhe sendeve të tjera, si dhe të tjera nevoja jetike,” shtuan ata, duke përmendur se Kryqi i Kuq Amerikan është në terren duke ndihmuar ata që kanë nevojë.
Çifti thuhet gjithashtu se janë në kontakt me shefin e kuzhinës Jose Andres dhe po punojnë me organizatën e tij, “World Central Kitchen”, e cila siguron ushqime pas katastrofave natyrore.
Ndërkohë, autoritetet në qytet dhe përreth janë duke u përgatitur për përkeqësimin e situatës gjatë natës, pas shpalljes së gjendjes së emergjencës nga Guvernatori i Kalifornisë, Gavin Newsom.
Banorët po evakuohen nga zonat në rrezik, përfshirë Montecito, rreth 145 kilometra larg nga epiqendra e zjarrit, ku Duka dhe Dukesha e Sussex kanë jetuar për pesë vjet në një pronë me “rrezik të lartë nga zjarret”.
Por si pasojë e zjarreve rrezikohet edhe banesa e tyre, teksa është paralajmëruar për ndalimin e energjisë elektrike në zonë për të minimizuar çdo rrezik.
Çifti mund të detyrohet të largohen nga shtëpia, pasi një ndërprerje e energjisë mund të ndikojë gjithashtu në rrjetet e komunikimit dhe të bëjë të vështirë thirrjen për ndihmë urgjente nëse është e nevojshme.
Ata e blenë shtëpinë e tyre me nëntë dhoma gjumi për 14.65 milionë dollarë në vitin 2020, por besohet se tashmë pronës i është dyfishuar vlera e saj në 29 milionë dollarë.
Artikuj të sugjeruar:
