Ditën e sotme, pas mbledhjes së qeverisë, kryeministri Edi Rama zbuloi vendimet e Këshillit të Ministrave në lidhje me kërkesat e studentëve. Rama deklaroi se këto vendime shkojnë përtej kërkesave të protestuesve.
"Së pari kemi miratuar katër VKM lidhur me kërkesën e parë për përcaktimin e kategorive të individëve që përfitojnë ulje të tarifës së studimit. Së dyti, për përcaktimin e kritereve për bursat për studentët e shkëlqyer. Së treti kemi ndryshuar VKM- në për kufirin maksimal të pagesës vjetore të shkollimit për studentët. Së katërti kemi ndryshuar një tjetër vendim për përcaktimin e kategorive të individëve për kriteret e pranimit. Kemi financim për studentët e verbër, tetraplegjikë dhe paraplegjikë si dhe ata që trajtohen me ndihmë ekonomike që do përfitojnë një bursë studimi prej 10 mijë lekësh të reja. Dua të theksoj se një bazë për të mbështetur dhe financuar tarifën ka qenë, por për shkak të devijimeve në këshillat bashkiakë është vendosur që kjo të bëhet direkt nga qeveria.”
Më tutje kryeministri vazhdoi:
"Së treti do i japim mundësi të barabartë të gjithë studentëve duke paguar 50% të tarifës së studimit për ata që paguanin 100% të studimeve. Pra të gjithë studentët do paguajnë 50% të tarifës. Vitin e ardhshëm akademik kush ka mesatare nën 6 do humbasë financimin nga qeveria. Vendimi hyn në fuqi menjëherë që do të thotë se në janar të gjitha këto detyrime i mbulon qeveria. Ana tjetër e kërkesës lidhet me konviktet. Aktualisht kemi 8 shoqëri për akomodimin e studentëve, marrin mbështetje buxhetore nga shteti dhe në të njëjtën kohë janë shoqëri që kanë nevojë për reformim të thellë për të cilën ne po punojmë. 3 mln dollarë shtesë për investime në infrastrukturën e konvikteve. Është negociuar dhe praktikisht kemi marrë miratimin në parim për një projekt me 27 mln euro që i shtohet edhe fazës së parë të projektit që ka filluar të zbatohet. Agjencia Turke e Investimeve ka ardhur dhe ka filluar edhe ajo punën në Qytetin Studenti dhe do të jetë pjesë e programit. Ka filluar gjithë procesi i bisedimeve me agjencitë mbështetëse ndërkombëtare dhe brenda këtij mandati të gjitha konviktet do jenë të rindërtuara. Çfarë u vendos sot, kam firmosur urdhrin e kryeministrit për ngritjen e grupit institucional që të hartojë modelin e një statuti për arsimin e lartë nga ku do nisë plotësimi i boshllëqeve të krijuara."
Po kështu, gjatë konferencës për shtyp, Rama shtoi se:
"Kërkesa e katërt ka të bëjë me doktoraturat. Raportet e vlerësimit të doktoraturave janë detyrë e universitetit. Do të krijohet një arkivë dixhitale për doktoraturat. Kontroll kundër plagjiaturës si dhe kaloi projektligji që do të çelë konsultimin për kodin e sjelljes. Në konsultime mund të përfshihen të gjithë, do të jetë bazë e një procesi. Kërkesa e pestë lidhet me bordin e administrimit. Bordi përbehet nga 7 anëtarë, nga qeveria dhe Universiteti. Bordet kanë pasur një profil të ulët publik dhe roli i tyre nuk është kuptuar si duhet. Bordet e kanë përmirësuar menaxhimin financiar, por nuk kanë shkuar përtej një pike të përcaktuar dhe studentët shprehin shqetësim. Çfarë kemi vendosur sot? Do miratojmë VKM për përzgjedhjen e anëtarëve nga Ministria e Arsimit. Faktikisht të gjithë anëtarët aktualë janë de facto të shkarkuar dhe de juro janë ende aty deri në zgjidhjen e anëtarëve të rinj. Emërimet e reja do bëhen me proces të hapur në sytë e të gjithëve. Një prej antarëve përfaqësues nga Ministria do vijë nga studentët, pra jo studentë, por ata kanë të drejtë të propozojnë jo më pak se 3 kandidatura duke përfshirë edhe nga Ministria. Senatet janë të lira që të propozojnë një prej studentëve që janë anëtarë senati nëse duan. Pajisja e studentëve me kartën e studentit. Situata dihet, Shqipëria nuk ka traditë në shërbime të tilla. Ka qenë një premtim legjendar, të gjithë e kanë bërë. Nga shkurti i 2018- s kemi nisur një punë me Komisionin Europian, përfshirja e studentit në kartën europiane. Në nëntor 2018 kemi lidhur marrëveshjen dy palëshe, me qendrën e shërbimeve mësimore në Francë dhe po punojmë për përfshirjen e Shqipërisë në vende ku marrin kartë europiane studentore. Biblioteka me standarde Europiane: Kanë kërkuar edhe libra online shqip. Ambicia është përmirësimin i disa titujve akademikë dhe të çojmë drejt përfundimit atë që kemi nisur me libra me origjinë të padyshimtë për t’i çuar edhe ne universitet. Kemi vënë marsin si afat të fundit për vendosjen e bibliotekës digjitale. Anglishtja do të jetë një nga kushte që do të përcaktojë shumë gjëra në marrëdhënien tuaj me universitetin dhe me shtetit. Kjo do të vijë më vonë, sepse ne e kemi dhënë. Ne do të ofrojmë kurse anglishteje falas, pa pagesë. Anglishtja do të hyjë në kushte që do të marrë vëmendje nga shteti. Nuk jemi duke shkuar drejt vitit 1945, por 2025.”
Po kështu, kryeministri u shpreh që:
"Falë edhe dialogut të nisur me shumë vështirësi, të tjera pika janë shtuar. Paketa jonë për universiteti do të jetë 8 plus. Jam i bindur se dialogu do të vijojë. Deri tani kemi vendosur sot, që të gjitha vendet në administratës publike të jenë në dispozicion të studentëve më të mirë. Për punësimin e studentëve më të mirë, në administratë shtetërore, në shërbimin civil. Ligji është evropian, por për ta kapërcyer këtë ngërç dhe për t'u dhënë një mesazh të gjithëve dhe për të sprapsur një lëvizje. Ne do të bëjmë publike vende të lira, pa konkurs, por me meritat e tyre ne universitet. Ata që do të mbarojnë do mund ta zgjedhin vetë vendin. Shembull: 20 vendet e lira në ministrinë e Financave, zgjedhja do jetë nga lart poshtë. Sistemi do pak punë, por brenda 6 muajsh besoj do e arrijmë. Studentët ekselentë që kanë mbaruar jashtë janë të parët, të dytët janë ata që kanë mbaruar në vend dhe të tretët janë ato që kanë mbaruar në privat. Me studentët më të mirë do bëjmë gjënë e duhur duke goditur dinosaurët, të cilët janë ushqyer me administratën dhe janë rritur me ballkava meqë është edhe fundit i vitit"
Burimi: Balkanweb
