Keni ngecur në trafik dhe para syve tuaj lexoni diku numrin 4321. Më vonë, ju porosisni një darkë në restorant dhe totali në faturë është 4,321 lekë. Në shtëpi, teksa nuk përfundoni dot filmin e preferuar, kuptoni që e keni ndërprerë në pjesën e 43 minutave e 21 sekonda. OK, tani gjërat po bëhen pak të çuditshme. A mund të të ndjekë një numër? Nëse po, çfarë kërkon nga ju?

Epo, 4321 është një "numër engjëlli" dhe po përpiqet t'ju tregojë diçka!

Numri i engjëllit 4321, kur mblidhet së bashku si 4 + 3 + 2 + 1, përfundimi është 10. Por, 4321 ka gjithashtu një moment që njihet si fiksimi i të numëruarit mbrapsht. Kjo sekuencë është e fuqishme sepse bazohet në ndjenjën tonë për të ditur kur është bërë diçka apo kur është koha për të ecur përpara. Ky numër jep idenë e fillimit dhe të mbarimit të diçkaje, si edhe fokusin në atë që po bëni.

Çfarë do të thotë numri i engjëllit 4321 për dashurinë?

Kur bëhet fjalë për dashurinë, 4321 është një shenjë e diçkaje që ndryshon. Ky është një sinjal për ju që të kuptoni rrugën e duhur kur bëhet fjalë për dashurinë dhe të mos keni frikë të merrni vendime. Kjo mund të jetë një ndarje ose përfundim i një problemi të madh në marrëdhënien tuaj. Por, mund të jetë edhe fillimi i diçkaje krejt të re, si një interes i ri, propozim i papritur, etj.

Çfarë do të thotë numri i engjëllit 4321 për karrierën?

Përsa i përket karrierës, të shohësh numrin 4321 është një shtysë drejt sukseseve të reja. Tani nuk është koha për të “ngecur” në një cikël të mërzitshëm. Nëse ka gjëra që duhet t'u thoni "jo", tani është koha.

Çfarë të bëni nëse vazhdoni të shihni këtë numër?

4321 është një tregues që ju të kuptoni se sa fuqi keni në jetën tuaj, e gjitha kjo për shkak të aftësisë për të zgjedhur. Ju keni mundësinë të thoni "po" ose "jo" për atë që ju prezantohet. Nëse diçka duhet të përfundojë, dijeni se kjo është ajo që do të ndodhë. Mendojeni këtë numër plot emocione, pritje dhe shenjë për një fillim të ri.

Burimi: Cosmpolitan