Njëzetë vite më parë, të ’90-ave po u vinte fundi dhe sensi estetik i dekadës ishte formuar plotësisht. Fare mirë mund të themi se vitet ’90 e patën klimaksin drejt fundit. Dhe meqë moda e asaj kohe ka ndikuar kaq shumë në 2018-n, gjetëm ç’veshën vajzat cool në korrik të 1998-s. Në përfundim të kësaj liste do të ndiheni nostalgjikë dhe të frymëzuar për veshjen e radhës.
Halle Berry, Cameron Diaz, Sarah Jessica Parker dhe Leelee Sobieski jetonin në një botë të dominuar nga fustanet e natës, fundet e lirshme, bluzat bust dhe çantat e poliestrës.
Halle Berry me një kanotjere me rripa të hollë, fund të lirshëm dhe sandale merimangë.
Leelee Sobieski veshi këtë fustan me print leopardi në korrik të 1998-s që shpjegon kthimin e pandalur të trendit.
Salma Hayek, fustan livando, çantë e vogël dhe sandale minimaliste. Kjo ngjan si e 2018-s.
Sarah Jessica Parker me një veshje që mund të kopjohet sa hap e mbyll sytë.
Aktorja e Saved by the Bell, Lark Voorhies, vërtetoi se xhinset me prerje të drejtë dhe një bluzë me dekolte rrethore janë gjithmonë kombinim fitues.
Cindy Crawford apo Barbie?
Chokeri, fustani i ngushtë i zi dhe sandalet me push veshur nga Michelle Williams në 1998-n janë një treshe që e kemi parë pa dyshim këtë dekadë.
Dy gjëra: Jennifer Lopez është përjetësisht e re dhe ky fustan do t’i rrinte po kaq mirë dhe sot.
Look-u minimalist i Claire Danes nuk del kurrë nga moda: një fustan që të thekson belin dhe sandale të hapura.
Uniforma e viteve ’90 në trupin e Cameron Diaz. Jo vetëm ajo, por të gjithë vishnin bluza bust me pantallona të gjëra asokohe.
Një tjetër fustan që të thekson belin, kësaj here nga Jennifer Aniston.
Besojeni ose jo, por stili i Jessica Biel nga vitet ’90 është kthyer në tërësinë e tij: syze ovale, bluzë bust me rrudha, byrzylyk kyçi dhe sandale me platformë.
Dy dekada më parë, Christina Applegate veshi bluzën e tejdukshme në një mënyrë të sofistikuar.
Fustani me jakë të derdhur i Claudia Schiffer është epitoma e veshjeve të eventeve në vitet ’90.
Jemi të bindur që kemi parë të njëjtën veshje në Instagramin e Courtney Cox këtë vit.
Burimi: Who What Wear
