Në dekadën e fundit, ne jetojmë mes Instagram, Facebook, Tiktok, Snapchat e çdo platformë tjetër të mundshme për të shpalosur ide dhe stilin tonë të jetesës. Influencuesit janë tashmë disa nga personazhet kryesorë të jetës sonë – ne ndikohemi dhe frymëzohemi prej tyre. Shqipëria, ky vend i vogël, prodhon çdo ditë me qindra, por disa prej tyre ia kanë dalë ta çojnë suksesin përtej kufijve.

Një ndër ta është Eni Xhixho. Sot, pas shumë vitesh përvojë dhe trajnimesh si në Shqipëri e shumë vende të ndryshme të botës, ai është i pari parukier shqiptar që është përzgjedhur si një nga influencuesit më të mirë global nga Schwarzkopf Professional.

Pas një procesi të gjatë analizues e përzgjedhës 1-vjeçar, Schwarzkopf Professional përcakton se cilët janë parukierët #influencer të vitit. Pra, ata që influencojnë globalisht trendet e flokut. Ata që parashohin, paraprijnë dhe parakrijojnë çfarë do të kthehet në trend. Eni Xhixho është një nga 25 parukierët influencues në botë për vitin 2022.

Në ceremoninë e mbajtur në Hamburg, Eni Xhixho ishte i pari që performoi krah parukierëve më të famshëm të momentit. Ai është sot një artist shqiptar që influencon në “modën” e trendeve të flokëve, një shembull ky se si kufijtë nuk ekzistojnë kur ke talentin, pasionin, disiplinën dhe përkushtimin çdo ditë.

Kur e pyetëm Enin për këtë arritje të re në karrierën e tij, ai u përgjigj me një buzëqeshje dhe zë të ulët, sikur po rrëfente ndonjë sekret: “Ky është vetëm fillimi.”

Për të gjithë ju që po mendoni ku ta gjeni Enin, adresa është rruga Nikolla Jorgo, ish-Ekspozita.