Pak orë më parë, Erla Mëhilli postoi në Instagram Stories foton e djalit të sapolindur përbri vëllait të madh, Akidit. Emrin e të voglit e mësuam tani, falë Syri.net. Duke marrë parasysh se emri i djalit të madh është me origjinë ilire (Akid quhej babai i Pirros së Epirit), prisnim diçka të ngjashme dhe për të voglin.
Erla dhe bashkëshorti i saj, Keltis, zgjodhën emrin Bindi për djalin e sapolindur. Nëse s’e keni dëgjuar ndonjëherë, është emër i mirëfilltë ilir.
“Bindi ilir lidhet me kultin e ujit, me ujin që buron (del) prej dheut (tokës) dhe për këtë dukur ka gjasë që njerëzimi të jetë habitur, çuditur për mirësinë, të mirën e pakrahasuar nga uji dhe në këtë mënyrë dhe nga zoti i ujit Bind,” shpjegon shkruan Prof. Dr. Rexhep Doçi, onomasticien.
Onomasticienët studiojnë origjinat dhe format e fjalëve sidomos në fusha të specializuara si emrat e njerëzve a vendeve.
“Bindus, zoti ilir i ujit, burimeve dhe plleshmërisë, i ngjashëm me Poseidonin grek dhe Neptunin romak. Bindus shpjegohet nga emri i shqipes bind, i cili ka kuptimin çudi, mrekulli,” vazhdon Doçi, duke perifrazuar Vladimir Zoton.
Nëse doni të dini më shumë për origjinën e plotë të emrit Bindi, mund të lexoni shkrimin e plotë të Doçit, duke klikuar këtu.
