Ju mund të doni të pini kafe që “të hapni sytë” çdo mëngjes, por ka edhe shumë pije të tjera, më të shëndetshme, me të cilat mund të merrni energji për ta shfrytezuar gjatë gjithë ditës.
- Çajra
Çaj jeshil, i bardhë apo i zi, të gjitha përmbajnë kafeinë, por sasia është më e moderuar dhe për më tepër, energjia do t’ju zgjasë me shumë.
- Smoothie Jeshile
Merrni gjithë vlerat ushqimore dhe vitaminat që ju duhen, që në mëngjes. Përzieni fruta, akull dhe spinaq për të bërë një pije të shëndetshme mëngjesi.
- Smoothie me fara Chia
Farat Chia janë të mbushura me lëndë ushqyese, veçanërisht proteina dhe së fundmi, janë një zgjedhje e njohur e dietologëve dhe atletëve. Me qindra receta në internet, ju mund të përgatisni pije të ndryshme me to.
- Kombucha
Kombucha vjen nga çaji i zi i fermentuar. Është i mbushur me mikroorganizma, aftësia e të cilave rigjeneron hekurin që vjen nga çaji. Shumë e thjeshtë për t’u bërë në shtëpi dhe shumë e mirë për t'ju mbushur me energji.
- Lëng panxhari
Lëngu i panxharit është zbuluar se zgjat më shumë qëndrueshmërinë atletike, sipas një studimi të Universitetit të Exeter, në Mbretërinë e Bashkuar. Shtrydheni atë dhe kombinojeni me fruta të tjera, si kivi, mollë etj dhe do të keni një pije të shijshme që do t'ju japë energji për të përballuar gjithë ditën.
- Uji
Me siguri e keni dëgjuar një milion herë, por uji është thelbësor për ruajtjen e energjisë gjatë ditës. Jo vetëm që duhet ta konsumoni në mëngjes, por edhe në vazhdim deri në mbrëmje. Shumë njerëz shpesh shkojnë drejt pijeve energjike, të ngarkuara me kafeinë dhe sheqer, kur gjithçka që u nevojitet është një hidratim i mirë.
Burimi: Treehuger
