Së fundmi, Megan Thee Stallion u përfol se kishte prerë aksidentalisht këmbën me xham gjatë një feste në Los Angeles, por më vonë u tha se në fakt ishte qëlluar me armë nga reperi kanadez Tory Lanez.
Fillimisht Page Six raportoi se ylli i “Savage” u gjuajt me armë pas një mosmarrëveshjeje brenda në makinën e Lanez. "Tory e gjuajti me armë nga brenda automjetit teksa Megan ishte jashtë duke u përpjekur të largohej," tha burimi. “Ka video dhe policia po heton. Ky është një rast sesi një burrë dëmton dhe abuzon fizikisht me një grua.”
Megan reagoi në Twitter duke thënë se “ka pësuar plagë nga një armë zjarri si rezultat i një krimi të kryer kundër saj me qëllim që ta dëmtonte fizikisht”. Reperja iu nënshtrua një operacioni për të hequr plumbat.
Sipas TMZ, dëshmitarët nuk po bashkëpunojmë me departamentin e policisë në Los Angeles, por thuhet se ka një video të konfliktit të filmuar me celular, por që policia nuk e nxjerr “për të mbrojtur integritetin e çështjes”.
Reperi Tory Lanez u arrestua dhe u mbajt në paraburgim, por më vonë u lirua duke qenë se pagoi $35,000. Ai do të paraqitet në gjykatë më 13 tetor.
Në Twitter, producenti i Megan Thee Stallion shkroi: “@torylanez i ke ditët e numëruara”. Deri tani, është ende e paqartë se çfarë ndodhi vërtet gjatë festës. Departamenti i policisë ka hapur një hetim për sulm me armë ndaj reperit, ndërkohë që Megan u shpreh në Twitter se “është e lënduar dhe e traumatizuar”.
Burimi: Vulture
