Kupa e Botës 2022 nga FIFA risolli në vëmendje një nga stadiumet më të komentuar. Për ata që nuk kanë patur rastin ta shohin, eventi i madh i futbollit, i cili do të mbahet në Katar, i prezantoi me Al-Wakrah.
Stadiumi Al-Wakrah u projektua nga arkitektja e ndjerë irako-britanike Zaha Hadid së bashku me firmën AECOM. Stadiumi përmban një dizajn post-modernist dhe neo-futurist. Pamja u frymëzua nga velat e varkave tradicionale Dhow, të përdorura nga zhytësit e perlave që endeshin nëpër rrymat e Gjirit Persik.
Megjithatë, njerëzit prej kohësh i kanë krahasuar linjat që imitojnë velat e varkave me organin gjenital femëror, saktësisht me labiat. "Unë nuk jam eksperte, por mendoj se ato janë labia," ka thënë më parë për Equire redaktorja seksit dhe marrëdhënieve në Cosmopolitan, Anna Breslaw. "Çdo njeri i zgjuar do të kuptojë se ndërtesa duket tamam si një vaginë e madhe," shkroi faqja Jezebel.
Në vitin 2013, Zaha Hadid, një nga ikonat e arkitekturës, i konsideroi komentet si “të turpshme” dhe “qesharake”. “Është vërtet e turpshme që ata pretendojnë marrëzira të tilla. Çfarë thonë ata? Çdo gjë me një vrimë në të është vaginë? Kjo është qesharake,” tha ajo për TIME.
Hadid sugjeroi se komentet nuk do të ishin bërë nëse arkitekti do të ishte mashkull: “Sinqerisht, nëse një djalë do ta kishte bërë këtë projekt…”
Një stadium në formë vagine do të ishte një projekt me rrezik në një vend me rregulla të ashpra si Katari, ku së fundmi u ndalua konsumi i alkoolit në stadiumet ku do të zhvillohen ndeshjet.
Sidoqoftë, arti prandaj është i bukur – sepse është i hapur për interpretim.
