Dita e Babait u kthye në një moment emocional për familjen Beckham, por edhe në një tjetër shkëndijë për spekulimet rreth raportit të tensionuar me djalin e madh, Brooklyn Beckham. Si Victoria Beckham ashtu edhe David Beckham publikuan foto familjare ku Brooklyn shfaqej përkrah vëllezërve dhe motrës së tij, duke i kushtuar mesazhe të ndjera familjes.
Victoria ndau një foto të vjetër me katër fëmijët e tyre, Brooklyn, Romeo, Cruz dhe Harper, ndërsa shkroi:
“David, je vërtet babai më i mirë. Arritja jote më e madhe kanë qenë gjithmonë fëmijët tanë të mrekullueshëm dhe ne të duam shumë.”
Nga ana tjetër, David publikoi një seri fotosh familjare, duke nisur me një imazh bardhezi të Brooklyn-it duke mbajtur në krahë Harper-in e vogël.
“Të jesh baba është puna më e rëndësishme që kam. Ju dua të gjithëve”, shkroi ai, duke falënderuar bashkëshorten për familjen që kanë ndërtuar së bashku.
Postimet morën menjëherë vëmendje të madhe, pasi vijnë në një periudhë kur zërat për një krisje mes Brooklyn-it dhe familjes Beckham vazhdojnë të qarkullojnë. Vetëm pak muaj më parë, Brooklyn reagoi publikisht ndaj spekulimeve, duke deklaruar se askush nuk e kontrollon dhe se për herë të parë në jetën e tij po mbron veten.
Megjithatë, ajo që ra më shumë në sy ishte reagimi i tij ndaj postimeve të prindërve. Ndryshe nga vëllai i tij, Cruz, i cili komentoi publikisht, Brooklyn zgjodhi të mos reagojë fare. Në të njëjtën kohë, bashkëshortja e tij, Nicola Peltz Beckham, publikoi një dedikim tepër të ngrohtë për të atin, duke e quajtur “babain më të mirë në botë” dhe duke e falënderuar për mbështetjen e pakushtëzuar ndër vite.
Mungesa e çdo reagimi nga Brooklyn vetëm sa ka shtuar dyshimet se marrëdhëniet mes tij dhe familjes Beckham mbeten të ftohta, pavarësisht mesazheve publike plot dashuri që prindërit e tij zgjodhën të ndajnë në një ditë kaq simbolike.
-
As letra e motrës nuk e bind! Brooklyn Beckham: Gjithçka ishte për show!
15 Qershor, 17:22 -
-
-
