Foto: Jessica Alba/ The Hollywood JR/Backgrid

Kalimi zyrtar drejt sezonit të çizmeve ka ndodhur dhe nuk ka kthim pas. Jessica Alba është shembulli më i mirë që vjeshta ka ardhur me gjithë klasin dhe ngrohtësinë e saj. Aktorja u fotografua në Beverly Hills gjatë një darke, veshur me një pallto të gjatë ngjyrë çokollate, fustan të shkurtër në ngjyrë blu të thellë dhe, pjesa më e rëndësishme, çizmet që do dominojnë këtë sezon: çizmet kafe prej kamoshi, deri poshtë gjurit.

Këto çizme nuk janë thjesht një trend, janë një investim i zgjuar. E dimë që ka pafund stile çizmesh në qarkullim tani dhe mund të ndihesh e mbingarkuar. E dimë që janë dhe më të shtrenjta sesa shapkat e verës që kemi veshur gjithë sezonin.

Por nëse do të bësh vetëm një blerje strategjike këtë vjeshtë, këto janë çizmet që duhen pasur. Janë të rafinuara, shumëfunksionale, të rehatshme dhe, më e rëndësishmja, nuk dalin kurrë nga moda. Kombinohen me gjithçka, nga fustanet e lehta e deri te xhinset e ngushta dhe çdo pamje e tyre duket sikur ka dalë nga një editorial mode.

Jessica zgjodhi modelin e kamoshit të butë në nuancën ideale kafe, një siluetë që zgjat këmbën dhe një dizajn që mund të mbajë peshën e çdo vjeshte dhe dimri që vjen më pas. Dhe pikërisht sepse janë kaq klasike, ekzistojnë edhe versione më të përballueshme dhe në stile të ndryshm,– nga ato me takë të ulët, te ato me takë më të lartë.