· Disa nga civilët e parë që u evakuuan nga një fabrikë gjigante çeliku në Mariupol thuhet se mbërritën të hënën në qytetin e Zaporizhzhia. Më shumë se 100 civilë – kryesisht gra, fëmijë dhe të moshuar – u evakuuan nga uzina e çelikut Azovstal, tha në një deklaratë policia ushtarake e Ukrainës. Qindra njerëz besohet se kanë mbetur ende të bllokuar në qytet.
· Zyra e OKB-së për të drejtat e njeriut ka thënë se numri i viktimave të civilëve të vrarë në Ukrainë që nga fillimi i pushtimit rus ka tejkaluar 3,000 njerëz.
· Rusia po planifikon të aneksojë Donetskun dhe Luhanskun pasi dështoi të marrë në kontroll Kievin dhe të rrëzojë qeverinë atje, u tha gazetarëve ambasadori i SHBA-së për Organizatën për Siguri dhe Bashkëpunim në Europë. Rusia gjithashtu mund të konsiderojë të bëjë të njëjtën gjë në Kherson, ku tashmë ka detyruar përdorimin e monedhës së saj, rubla.
· Ministrit të Jashtëm të Rusisë, Sergei Lavrov, iu kërkua të shpjegonte se si Rusia mund të thoshte se po përpiqej të "denazifikonte" Ukrainën kur presidenti i saj, Volodymyr Zelensky, është hebre, në një intervistë për Mediaset. Lavrov u përgjigj se Adolf Hitleri "kishte gjak hebre" dhe mbrojti politikën e "denazifikimit" të Rusisë në Ukrainë, termi i Kremlinit për një spastrim gjithëpërfshirës që Ukraina thotë se është një pretekst për "vrasje masive".
· Gjermania tha se ishte e gatshme të mbështeste një embargo të menjëhershme të BE-së ndaj naftës ruse. “Ne kemi arritur në një situatë ku Gjermania është në gjendje të përballojë një embargo të naftës,” tha ministri gjerman i ekonomisë Robert Habeck të hënën në Bruksel, ku u takua me kolegët e BE-së.
· Unioni i Shoqatave Europiane të Futbollit (UEFA) ka ndaluar pjesëmarrjen e klubeve ruse të futbollit në sezonet 2022-2023 në Ligën e Kampionëve, Ligën e Evropës dhe Ligën e Kombeve. Oferta e Rusisë për të pritur turnetë Euro 2028 dhe Euro 2032 gjithashtu nuk është më e pranueshme.
Burimet: Guardian, Reuters
