Xhinset janë ato pjesë të garderobës që nuk njohin moshë, por mënyra si i veshim (dhe cilat zgjedhim) mund të ndryshojë me kohën. Kur je mbi 40 vjeç, ndoshta nuk je më aq e interesuar për modelet e çuditshme që dalin çdo sezon, por kjo s’do të thotë që duhet të heqësh dorë nga stili. Sekreti? Kombinimi perfekt mes rehatisë dhe elegancës.
Ja 5 truke që mund t'i mbash parasysh kur zgjedh xhinset e tua:
1. Zgjidh xhinse që kanë pak elastikë (por jo shumë)
Në vend që të përpiqesh të futesh në xhinse që mezi mbyllen, zgjidh një model që ndjek format e trupit pa të shtrënguar. Një përzierje pambuku me 1-2% elastan është ideale, të jep rehati pa u bërë xhinse-pizhame.
Dhe mos e nënvlerëso fuqinë e aksesorëve! Një rrip i bukur, një shall mëndafshi apo syze të mëdha dielli mund ta ngrejnë më shumë nga sa mendon nivelin e një veshjeje të thjeshtë.
2. "Bëhu shoqe" me belin e lartë
Nëse ke provuar dikur xhinse me bel të ulët dhe ke kaluar pjesën më të madhe të ditës duke i ngritur lart me siklet, e kuptojmë njëra-tjetrën. Modelet me bel të mesëm ose të lartë jo vetëm që japin më shumë mbulim dhe përkrahje, por krijojnë edhe një siluetë më elegante, veçanërisht te pjesa e barkut dhe shpinës. Plus, e zgjatin optikisht këmbën, fitim i dyfishtë.
3. Harroji xhinset e ngushta, provo prerje më "të zhdërvjellëta"
Xhinset tepër të ngushta të viteve 2010 e kanë dhënë ç’kishin për të dhënë. Në vend të tyre, provo modele me prerje të drejtë apo me fund pak të hapur. Këto janë më komode, më në trend dhe shumë më të lehta për t’u kombinuar me pjesë të tjera të veshjes.
4. Kujdes me gjatësinë
Xhinset që rrinë vetëm pak mbi kyçin e këmbës janë idealet, duken bukur me gjithë llojet e këpucëve. Nëse je shtatshkurtër, bëj një prerje në rrobaqepësia ose kërko modele për trupa të imët. Pak centimetra mund ta kthejnë një veshje nga “ashtu-kështu” në “wow”.
5. Këpucët bëjnë diferencën
Balerinat elegante, atletet minimaliste, sandalet me takë të trashë apo mokasinet janë kombinimi i duhur me xhinset pas të 40-ave. Shmang modelet tepër të rënda që prishin balancën e veshjes.
Burimi: Glam
