Charlize Theron ka vendosur të ndajë një anë më personale të jetës së saj, duke folur hapur për mënyrën se si kanë ndryshuar marrëdhëniet dhe prioritetet ndër vite. 

E ftuar në The Drew Barrymore Show, aktorja rrëfeu se sot e sheh jetën dashurore ndryshe, dhe në mënyrë të papritur, vajzat e saj janë bërë “aleatet” më të mëdha në këtë aspekt.

Sipas saj, fëmijët janë në një moshë ku e përjetojnë me entuziazëm faktin që ajo del në takime. 

“Është shumë qesharake. Dikur mendoja se do të ndiheshin të pasigurta, por tani më pyesin nëse më ka shkruar dikush dhe më shtyjnë të dal”, tregoi ajo. 

Megjithatë, kjo nuk do të thotë se Theron kërkon një marrëdhënie tradicionale si më parë. Ajo pranon se nuk e sheh më veten duke bashkëjetuar me dikë, edhe pse nuk e përjashton plotësisht mundësinë në të ardhmen.

Në bisedë me Drew Barrymore, ajo theksoi se prioriteti i saj mbeten gjithmonë fëmijët. 

“Është e pamundur të mos i vendosësh ata të parët”, u shpreh aktorja, duke shtuar se çdo vendim në jetën e saj ndikohet nga roli i saj si nënë. Ky këndvështrim ka formësuar edhe mënyrën si ajo i qaset marrëdhënieve.

Charlize Theron është nënë e dy vajzave, Jackson dhe August, të cilat i ka birësuar në vitet 2012 dhe 2015. Ajo ka folur shpesh për zgjedhjen e saj për të krijuar familje përmes birësimit, duke theksuar se kjo ka qenë gjithmonë rruga që dëshironte të ndiqte. 

Së fundmi, ajo nuk ka hezituar të flasë edhe për sfidat e përditshme të mëmësisë, sidomos gjatë adoleshencës. Me humor, ajo e përshkroi këtë fazë si “një stuhi hormonale”, duke pranuar se momentet në shtëpi mund të jenë të vrullshme, por edhe plot jetë. Në të njëjtën kohë, vajzat e saj e ndihmojnë të shohë gjërat më thjesht, duke i kujtuar se ndonjëherë mjafton të fokusohesh te qëllimi dhe të ecësh përpara.