Jennifer Lawrence i ka dhënë fansave shumë kënaqësi me filmat e saj, por së fundmi ka pushtuar edhe revistat për stilin e veshjes, i cili përshkruhet si shumë cool. Vetë aktorja ka deklaruar se nuk mundohet shumë për t’u kombinuar.

Sipas ekspertëve të modës, ka 7 detaje nga garderoba e Jennifer që duhet t’i kesh për t’u dukur aq e relaksuar kur lëviz në përditshmëri.

1. Pallto 
Një nga detajet që e dallon aktoren janë palltot e gjera me prerje të çrregullt, të kombinueshme me xhinse, pantallona të gjera ose atlete.

2. Këmishë në vend të trikos së hapur
Jennifer preferon një këmishë të hapur dhe jo një bluzë me zinxhir ose kopsa. Për t’i rritur nivelin veshjes, zgjedh taka.

3. Xhinse të gjera (plotësisht) ose të lirshme vetëm poshtë gjurit
Stili i viteve ’90 është i preferuari i Lawrence. Kombinuar me xhaketë të gjerë dhe këpucë të sheshta ose çizme.

4. Fustan i zi, i gjatë 
Të duhet patjetër në garderobë një fustan i zi klasik që e nxjerr në pah siluetën.
5. Pardesy e hollë dhe e gjatë 
Pupa dhe pardesyja e gjatë e hollë janë kombinimi fitues i pranverës dhe vjeshtës.
6. Fustan mini me rreth flokësh
Një fustan i shkurtër minimalist që mbulon gjithë dekoltenë dhe tregon këmbët me delikatesë, kombinohet me një rreth flokësh në të njëjtën ngjyrë. Kaq mjafton për një pamje shumë trendi.
7. Bluzat e thurura me ngjyra
Të gjera, me ngjyra, të ngrohta, Jennifer të bën të besosh se një bluzë e tillë duhet veshur çdo ditë.