FOTO: GETTY IMAGES

Lëkurë rrezatuese, mollëza që duken si të “puthura nga dielli” dhe mbi të gjitha buzë të shndritshme dhe me shkëlqim do të jenë kryefjale e grimit për këtë sezon veror. Profesionistë te make up-it e quajnë këtë tendencë një rikthim në vitet ’90, një periudhë kur ky lloj grimi ka qenë më shumë se protagonist.

Për gocat që kanë një kujtesë të fortë, me siguri që i mbajnë mend fotot apo videot e Jennifer Aniston, Drew Barrymore apo Jessica Alba me këtë teknikë grimi dhe me buzët e plota dhe me shkëlqim, që duken si fruta të freskëta.

#1 Jessica Alba

FOTO NGA PINTEREST

#2 Jennifer Aniston 

FOTO: JEFF KRAVITZ//GETTY IMAGES

#3 Drew Barrymore 

FOTO: GETTY IMAGES

Me kalimin e viteve, në mënyrë ciklike, kjo pamje është rikthyer në modë, por sidomos këtë vit grimi “juicy” do të jetë trend. Nga Hailey Bieber tek Ariana Grande, duket se janë disa vajza të njohura që e kanë materializuar në lëkurë këtë lloj make up-i, nga lëkura me shkëlqim dhe buzët e plota dhe me ngjyra të forta.

Si ta bëni grim natyral dhe me shkëlqim?

Sekreti për të arritur këtë look vintage? Kujdesuni për lëkurën përpara se të aplikoni këtë make up. Nuk është rastësi që trajtimet e bukurisë janë të njohura për të gjitha gocat që duan një portret të kuruar dhe lëkurë të shëndetshme. Kremat dhe ekstraktet e frutave, plus vitaminat dhe anti-oksidanët, të gjitha janë një investim i mirë për lëkurën dhe përgatitjen e saj për grimin retro.

Faqet me pudër me ngjyrë rozë të ëmbël ose të kuqe të lehtë që janë krejt të natyrale, por sidomos buzët e hidratuara me vaj buzësh, balsam ose buzëkuq me efekt hidratues janë një tjetër zgjidhje.

Artikuj të sugjeruar: 

Burimi: Harper’s Bazaar