Fundjavën e kaluar, e gjeta veten duke shkelur në një strehëz të qetë, në studion Core Pilates, për eventin "Relax with Lush, Sleep Tight & Raise Bright". Të them të drejtën, nuk ishte një event i thjeshtë, por një përvojë e kuruar bukur, e cila premtonte të ndërthurte artin e relaksimit me energjinë e produkteve natyrale të Lush.
Unë nuk kam qenë kurrë njeri i dhënë pas yoga-s apo meditimit. Madje, kisha paragjykuar këdo që i praktikonte. Por siç kanë thënë njerëz më të zgjuar se unë: kurrë mos thuaj kurrë! Atmosfera ishte aq e ngrohtë dhe tërheqëse, sa më befasoi që në nisje; dukej si një arratisje e përsosur nga jeta e përditshme.
Sapo hyra brenda, gjëja e parë që më goditi ishte përzierja dehëse e aromave që përhapeshin në ajër. Më dukej sikur më kishin transportuar në një kopsht të harlisur, me aromat e livandos, nerolit, eukaliptit, rozmarinës, kamomilit dhe ylang ylang. Këto nuk ishin thjesht disa aroma të zakonshme, por produktet e Lush, të njohur për përbërësit e tyre të freskët dhe organikë.
Filloi seanca e meditimit me aromaterapi. U vendosëm në dyshekë, mbyllëm sytë dhe lejuam udhëzimet e ekspertëve që të na çonin në një gjendje të thellë relaksi. Aromat “rrotulloheshin” rreth nesh. E imagjinoja veten të veshur me një kostum lino në një fushë me livando, dielli më ngrohte butësist lëkurën dhe era përhapte aromën e luleve. Aromat e Lush po nxisnin paqen e brendshme.
Pas meditimit, fokusi u zhvendos në mënyrën se si produktet e Lush përshtaten pa problem në rutinat tona të përditshme, duke rritur si relaksimin ashtu edhe vitalitetin. Mësova se këto aroma qetësuese ndihmojnë për një gjumë të qetë gjatë natës apo një ditë të mbushur me energji.
Pak më vonë, ne ndamë histori personale për kujdesin e lëkurës, shkëmbyem këshilla dhe sugjeruam disa produkte inovative të Lush (bath bombs duh!). Në fund, siç i ka hije një eventi të tillë, shijuam ujë detoks dhe ushqime vegane. E pritshme, duke njohur angazhimin e Lush për përbërësit e freskët dhe organikë dhe ndërgjegjësimin kundër testimit të produkteve të kafshët.
Nëse ndonjëherë ju jepet mundësia të merrni pjesë në një ngjarje të tillë, jua rekomandoj shumë. E thënë nga një njeri paragjykues dikur ndaj yoga-s dhe meditimit, duhet ta merrni në konsideratë.
Sigurisht, për ta bërë përvojën edhe më të këndshme, patjetër që nuk duhet të harroni aromat e Lush. Ju siguroj që do të merrni frymë lirisht, do të zhyteni në një botë më të paqtë ku do të ndiheni të përkëdhelur deri në detaje.
