Bleona Qereti e ka shprehur hapur mbështetjen ndaj Donald Trump-it që në kohën kur republikani shpalli kandidaturën, në qershor të këtij viti. Fotoja e publikuar prej saj krah Trump-it është komentuar negativisht nga ndjekësit e Bleonës, pasi sipas tyre, ai ishte racist ndaj emigrantëve dhe myslimanëve, kategori në të cilat bën pjesë dhe këngëtarja.
Por kjo nuk e ka ndaluar Bleonën ta urojë Trump-in për postin e presidentit nëpërmjet një mesazhi privat dërguar në numrin e tij të telefonit, të cilin e ka ndarë me ndjekësit e saj në Facebook: "Urime të përzemërta për fitoren në këto zgjedhje. Një fitore më se e merituar! Kjo është një natë historike për Amerikën. Përshëndetje të ngrohta nga Bleona.”
Në një intervistë të dhënë kohë më parë, Bleona ka treguar mënyrën si është njohur me sipërmarrësin miliarder në një koncert të dhënë në vitin 2008-të.
“Kam kënduar në një private party për Donald Trump”,- ka thënë Bleona në një intervistë të dhënë pak kohë më parë, duke i atribuar presidentit të ri të Amerikës një pjesë të sukseseve të saj. “Erdhi më takoi dhe më pyeti se kush isha e si mund të më ndihmonte. Unë e pyeta: ‘A mund të më prezantosh me Timbaland?’ Donald u përgjigj: ‘Kush është ky djalë? Do të thuash Justin Timberlake?’ dhe unë i thashë: ‘Jo,jo! Timbaland – ai që shkruan këngë për Justin! Dua të takohem me të dhe të regjistroj albumin tim.’ Donald filloi te qeshë me të madhe…”.
