Muzika

Nga prezantuesit te drejtimi artistik: Detaje për ‘Festivalin e Këngës’

Shkruar nga Anabel

7 Dhjetor 2021

Nga prezantuesit te drejtimi artistik: Detaje për ‘Festivalin e

60-vjetori i “Festivalit të Këngës” në Radio Televizionin Shqiptar (RTSH) do të bëjë bashkë disa nga emrat më të mirënjohur të muzikës dhe ekranit.

RTSH njoftoi se Ardit Gjebrea do të rikthehet në festival, pas shumë vitesh.

“Ky është viti i 60-të për Festivalin e Këngës në RTSH. Unë do të jem prezantues i ftuar në natën e dytë,” shkroi producenti në Instagram. “Më shumë se prezantues, do të jem dëshmitar i një historie të cilën do ta përshkojmë me disa nga emrat më të spikatur, gdhendur në kujtesën dhe dashurinë e publikut.”

“Rikthehem me shumë dëshirë për të përcjellë dashuri, nostalgji dhe muzikën që na ka shoqëruar gjithë jetën,” përfundoi Gjebrea, i cili e ka prekur skenën e festivalit jo vetëm si kantautor me “Jon”, “I thuaj jo” dhe “Eja, por edhe si kompozitor këngësh dhe prezantues.

Të tre netët e festivalit do të prezantohen nga Isli Islami, Jonida Maliqi, Xhemi Shehu dhe Kelvi Kadilli.

 
 
 
 
 
View this post on Instagram
 
 
 
 
 
 
 
 
 
 
 

A post shared by ardit gjebrea (@arditgjebrea)

Nata e parë do t’i dedikohet konkurrimit të 20-të këngëtarëve, nata e dytë nostalgjisë, duke qenë të pranishëm emra që kanë lënë gjurmë në 60 vjet histori dhe nata e tretë do t’i dedikohet formatit të Eurovision.

RTSH njoftoi se drejtimi artistik i festivalit i është besuar kantautorit Elton Deda. Në regji do të jetë Redi Treni, regjisor i serialit “$NOB” dhe një nga më të njohurit e regjisë televizive, ku përmendim këtu “Portokalli”, “Voice of Albania”, “Voice Kids”, “Big Brother” etj. Kozeta Kurti dhe Zefina Hasani do të jenë bashkë-skenariste, ndërsa drejtori i përgjithshëm i RTSH, Martin Leka, do të jetë edhe drejtor i Festivalit.

“Festivali i Këngës” do të mbahet më 27, 28 dhe 29 dhjetor në Pallatin e Kongreseve.

Këngëtarët pjesëmarrës janë:

1. Alban Ramosaj
2. Denis Skura
3. Evi Reçi
4. Gjergj Kaçinari
5. Janex (Xhejn Kumrija)
6. Kastro Zizo
7. Kelly
8. Mirud
9. Rezarta Smaja
10. Ronela Hajati
11. Saimir Çili
12. Stefi dhe Endri Prifti
13. Shega
14. Urban Band
15. Eldis Arrnejti
16. Ester Zahiri
17. Kejsi Rrustja
18. Olimpia Smajlaj
19. Viola Xhemali
20. Xhuljana Pjetra

MOS I HUMBISNI