Original

#ZonaGri: Grida Duma flet për rrugëtimin dhe vizionin e saj për politikën

Shkruar nga Anabel

13 Prill 2021

#ZonaGri: Grida Duma flet për rrugëtimin dhe vizionin e saj për

“Zona Gri” titullohet rubrika e re në Instagramin e Anabel Media, ku producentja Dalina Buzi do të bisedojë me disa prej grave protagoniste në politikë. E ftuara e parë ishte Grida Duma, kandidatja e Partisë Demokratike në Kavajë-Rrogozhinë. Grida, prej kohësh një protagoniste në politikë, ndau me Buzin adrenalinën e fushatës, vështirësitë në politikë, qasjen e gruas në politikë etj.

 
 
 
 
 
View this post on Instagram
 
 
 
 
 
 
 
 
 
 
 

A post shared by Anabel Media (@anabel__media)

E pyetur nga Dalina mbi vështirësitë e të qenurit pjesë e politikës dhe në të njëjtën kohë, të përballurit me njerëzit që të duan si individ, por të shohin me skepticizëm në politikë, Grida u shpreh:

“Është e vështirë, është sakrificë. Unë e balancoj me studentët në një mënyrë ose në një tjetër. Politika është kjo që është. Për shumicën është dimensioni i korrupsionit, i vjedhjes, i pasurimit pa sens. Por ne na mungon një lloj qartësie. Shumë gjëra nuk bëhen, por si do t’ja bëjmë? Ky pesimizmi vjen nga lodhja, nga ‘djegia’ kur ke dhënë disa herë besim. Unë kam profesion, në fund fare, shkencat sociale dhe ekonominë dhe unë kuptoj që zhvillimi ekonomik nuk vjen me sa po prodhon ose sa po shet: është kontratë sociale. Ke vendosur njerëzit e duhur në vendin e duhur. Sot Akademia shqiptare është kthyer në një mësimdhënie si gjimnaz. Kjo nuk bënte për mua, sepse secili prej nesh lind me diçka. Në një mënyrë apo në një tjetër, them që duhet të lindësh për politikë që ta bësh [mirë].”

Mbi çështjen e grave në politikë, Grida theksoi se “nuk duhet të mbështeten politikanet thjesht se janë gra”, por duhen parë si individ.

“Gjëja e fundit që dua unë është që [të vlerësohem] se jam nëna, jam motra e dikujt. Ç’do të thotë kjo? Edhe dikush është vëllai, është babai i dikujt. Kushdo që tenton të hyjë në politikë përmes viktimizimit, më mirë të mos hyjë fare. Në asnjë mënyrë gruaja në politikë nuk duhet të hyjë si viktimë, përndryshe do të keqpërdoret pafund.”

Gjatë intervistës, Grida u ndal te burokracia shtetërore dhe theksoi se duhet të vendosen njerëzit e duhur. Përsa i përket vizionit për gruan, ajo u shpreh:

“Unë e them për njerëzit, nuk e them për gruan. Unë dua gruan fituese, të them të drejtën. Prandaj jua thashë që nuk dua viktimizimin. Unë dua që të më jepet mundësia që të ndërtojmë një shkollë politike dhe të krijojmë njerëz të hajrit. Po vure një të paaftë, do të prodhojë një të paaftë sepse nuk e pranon të aftin. Nëse do më jepej shkopi magjik, do të doja njerëzit që e duan këtë vend. Duhet të shkojmë te niveli i dinjitetit, te pagat e larta dhe njerëzit e duhur, te njerëzit që kanë limit. Profesionistët nuk firmosin nëpër shkresa që përfundojnë në prokurori, sepse kanë limit. Në këtë sens, unë them që kemi sfidë madhore njerëzit e duhur që ta bëjnë këtë. Nëse krerët do të jenë të aftë, do të bëhet ky vend.”

Intervistën e plotë e gjeni në vijim:

 
 
 
 
 
View this post on Instagram
 
 
 
 
 
 
 
 
 
 
 

A post shared by Anabel Media (@anabel__media)

MOS I HUMBISNI