Aktivistja Greta Thunberg mori hakun e saj kundër presidentit Donald Trump, 11 muaj më vonë.
“Kaq qesharak. Donald duhet të punojë me problemin e tij për menaxhimin e zemërimit, pastaj të shkojë të shohë një film të vjetër me një mik! Qetësohu, Donald, qetësohu!”, shkroi 17-vjeçarja suedeze në Twitter, ditën e enjte.
So ridiculous. Donald must work on his Anger Management problem, then go to a good old fashioned movie with a friend! Chill Donald, Chill! https://t.co/4RNVBqRYBA
— Greta Thunberg (@GretaThunberg) November 5, 2020
Postimi erdhi në përgjigje të tweet-it të fundit të Donald Trump, i cili shkruante:
“NDALONI NUMËRIMIN!”
Shkrimi i Thunberg kopjonte frazat e sakta që Trump përdori më dhjetor 2019 drejtuar aktivistes, duke kundërshtuar kështu vendimin e atëhershëm të revistës Time, për të emëruar Greta Thunberg si “Personi i Vitit”.
Brenda katër orësh, postimi i Thunberg tejkaloi atë të Trump si në pëlqime ashtu edhe në “retweets” dhe “Greta” u bë trend në SHBA.
Trump, më parë e ka quajtur atë një “një vajzë të re shumë të lumtur, që e pret një ardhme e ndritur dhe e mrekullueshme”, pas fjalimit të saj në 2019-ën në një samit të Kombeve të Bashkuara për klimën.
Në atë fjalim, Thunberg kritikoi liderët botërore për “tradhtinë” e tyre ndaj të rinjve, duke i dënuar ata për mungesën e veprimeve të tyre mbi krizën e klimës. Trump nuk ka qenë i pranishëm në samit.
Ditën e mërkurë, Donald Trump tha se donte që “të gjitha votimet” të ndaleshin dhe fushata e Trump njoftoi se po ndiqte veprimet e gjykatës për të ndaluar numërimin e votave dhe për të parandaluar numërimin e fletëve të votimit që mungojnë.
Në tetor, Thunberg mbështeti hapur Joe Biden, i cili është zotuar të kthejë SHBA-në në marrëveshjen e klimës në Paris.
Burimi: USA Today
