Këngëtari amerikan August Alsina pretendon se ka patur një lidhje dashurie me Jada Pinkett Smith – bashkëshorten e Will Smith – madje Will e miratoi marrëdhënien.
Alsina, i njohur për këngën “I Luv This Shit”, në një intevistë në “The Breakfast Club” me Angela Yee, tha: “Unë në fakt bisedona më Will dhe ai më dha leje”. Sipas tij, ai u njoh me Pinkett Smith në 2015-n nga djali i saj, Jaden, madje bënë edhe pushime së bashku në Hawaii, në praninë e familjes.
Alsina pretendon se ra në dashuri me Jada-n.
“Unë dhashë veten te ajo marrëdhënie për vite me radhë dhe me të vërtetë, me të vërtetë, me të vërtetë e dua shumë dhe kam kaq shumë dashuri për të. Dhashë gjithë çfarë kisha deri në atë pikë sa nëse do të vdisja tani, do të isha i lumtur që gjithçka timen ia dhurova dikujt.”
Ai shtoi se “i do njerëzit e familjes Smith si familjen e tij”. “Nuk kam asgjë kundër tyre. Janë njerëz shumë të mirë.”
Nga ana tjetër, përfaqësues të Pinkett Smith thanë për New York Post se “pretendimet e tij janë absolutisht të pavërteta”.
Kujtojmë se Will dhe Jada u njohën në vitin 1995 dhe u martuan 2 vite më vonë. Ata janë prindër të 2 fëmijëve, djalit Jaden dhe vajzës Willow. Smith ka edhe një djalë më të madh, Trey-n, nga martesa me Sheree Zampino (1992-1995).
