Ndonëse më e keqja thuhet se kaloi, pasojat e tërmetit që tronditi vendin mëngjesin e sotëm janë rrënqethëse. Deri tani nuk ka një bilanc të saktë viktimash, por thuhet se 7 persona kanë humbur jetën kurse qindra të tjerë po marrin ndihmat e para në spitale.
Disa orë më parë, një fëmijë është nxjerrë gjallë nga rrënojat e një pallati në Thumanë.
Në videon e publikuar, gjendja fizike e djalit duket e qëndrueshme, por s'mund të thuhet e njëjta gjë për atë emocionale. Sipas Top Channel-it, një prej familjarëve të tij ka ndërruar jetë, por nuk ka akoma një konfirmim zyrtar.
Një tjetër lajm, po aq shokues është ajo e një familjeje në lagjen nr.18 në Durrës. Shtatë anëtarë të një familjeje që banonin në vilën tre katëshe, rezultojnë të zhdukur, ndërkohë që vetëm anëtari i 8-të ka dalë nga rrënojat. Brenda banesës nuk duket të ketë asnjë lëvizje apo thirrje për ndihmë, gjë që e bën edhe më dramatike gjendjen.
Mes kaosit dhe ankthit, njerëzit nuk harrojnë të duatrokasin për çdo jetë të shpëtuar. Një burrë rreth të 40-ve është nxjerrë nga forcat e shpëtimit, në Thuman, ndërsa një e moshuar është shpëtuar nga pallati i rrëzuar në qytetin e Durrësit.
View this post on Instagram
Burimi: Balkan Web
