Ky është Judah Gavra, 35 vjeç, Gaforre në horoskop.

Jeton në Nju Jork, por është me origjinë nga Izraeli. Kur nuk këndon, merret me modeling. Dhe palestër!

Këtë fundjavë, konkurroi te “Kënga Magjike” me “Me’achshav” në kateogrinë New Artist International.

Gjatë spektaklit, producenti Gjebrea u shpreh se Gavra ishte ftuar që të merrte pjesë në festivalin që zgjedh këngën përfaqësuese të Izraelit në Eurovizion, por nuk kishte pranuar sepse dëshironte të merrte pjesë në “Këngën Magjike”.

Festivalet nuk janë një terren i panjohur për 35-vjeçarin. Ai ka marrë pjesë në Eurovision San Marino në 2018-n dhe Eurovision Israel në 2013-n, ku ndonëse nuk fitoi, shkoi deri në finale.

Judah dhe partneri i tij Kevin Atherton janë prindër një djali.