Deri pak para se të zhdukej nga rrjetet sociale, duke hequr dorë përkohësisht nga muzika, Instagrami i Rinës numëronte më shumë se 500 mijë ndjekës. Së fundmi, ish-profili i saj – që mbante emrin On Records Official – kishte rreth 419 mijë ndjekës. Është ende e paqartë se çfarë po ndodh mes reperes dhe ish-kompanisë muzikore që e menaxhonte, sepse Instagrami rezulton i mbyllur, ndërkohë nga ana tjetër, e motra e Rinës ka nisur një peticion për rikthimin e tij.
“T’i rikthejmë Rinës Instagramin e vjedhur,” shkruan ajo në peticionin online.
Nuk dihet qartësisht pse ish-menaxheri i Rinës Met Elshani vendosi të mbyllte profilin me më shumë se 400 mijë ndjekës, ku promovonte artistët e rinj të kompanisë.
"Po shoh shumë reagime nga fansat e Rinës. Me këtë shkrim po ju njoftoj se Rina me dëshirën e saj e ka lënë muzikën dhe se nuk është më pjesë e On Records. Sa i përket Instagram-it, është pronë e On Records edhe në kontratë,” u shpreh menaxheri Elshani në fund të tetorit.
Nëse deklarata e tij është e vërtetë, pra është vendosur në kontratë që Instagrami është pronë e kompanisë, Rina nuk ka ç’bën tjetër përveçse të hapë një llogari tjetër.
Artikuj të rekomanduar:
Pas largimit të Rinës nga muzika, reagon agresivisht menaxheri i saj
Çfarë ndodhi me Instagram-in e Rinës?
