Pas skandalit të vjetshëm, sot (e enjte, 10 tetor) u dhanë dy çmime Nobel në Letërsi. Çmimi Nobel për vitin 2018 iu dha autores polake Olga Tokarczuk “për imagjinatën narrative që ka kaluar kufijtë”.

Çmimi Nobel për Letërsi për vitin 2019 iu dha austriakut Peter Handke “për eksplorimin e përvojës njerëzore përmes gjuhës”.

Akademia Suedeze, themeluar në 1786-n, po përpiqet të rindërtojë imazhin pas skandalit të vjetshëm që nxorri në pah ngacmimet seksuale, zënkat e tmerrshme, konfliktet e interesit dhe sekretet që 18 anëtarët i mbanin njëri-tjetrit. Këta 18 anëtarë kanë mandate të përjetshme dhe konsiderohen si gardianët e kulturës në vend.

Poetja Katarina Frostenson ishte një ndër shtatë anëtarët e akademisë që u largua pasi bashkëshorti i saj, Jean-Claude Arnault, u akuzua si përdhunues dhe se kishte bërë publikë emrat e fituesve plot shtatë herë. Akademia nuk binte dakord mbi mënyrën si do të menaxhohej situata.

Për më shumë informacion mbi skandalin e vjetshëm, klikoni këtu.