Pas marrjes së detyrës së re, një ndër planet e Zefina Hasanit – autorja e sezonit të dytë “Hell’s Kitchen” – siç duket paska qenë ndryshimi i modelit të flokëve të Renato Mekollit. Ose të paktën këtë lë të nënkuptohet ai.
“Epo të vijë autorja e re dhe të më detyrojë mua për të prerë flokët për sezonin e ri të Hell’s Kitchen, ky është kulmi,” shkruan Mekolli në Instagram. “Kam shumë nerva tani.”
“Hahaha mos na i zbulo sekretet,” i përgjigjet Hasani.
Sigurisht që ndjekësit nuk i kanë kursyer komentet me humor, ku ndër të tjera shkruajnë se “ndoshta autorja ka gjetur qime ndaj e ka detyruar t’i presë flokët” ose mund të kishte shkuar më keq, për shembull ta detyronte të shkruante me brisk në kokë “Hell’s Kitchen”.
Megjithatë, me flokët si ushtar duhet thënë se Renato nuk duket keq:
Para
Pas
