Që kur preu flokët shkurt, Dafina Zeqirin e kanë pushtuar komentet që vënë në dyshim seksualitetin e saj. Sipas disa njerëzve që gabohen, nëse dukesh dhe vishesh si djalë ndonjëherë, duhet të jesh lezbike. Në dallim nga Fjoralba Ponari që u acarua sepse mesa duket, për të, lezbike konsiston në ofendim, Dafina u shqetësua për diçka tjetër.
“Çfarë pyetjeje është kjo? A jam, a s’jam, ç’lidhje ka? Shihni punët tuaja. Ata burra që ke idhuj (s’po flas për të gjithë) janë biseksualë, idiot!” i kthehet ajo një prej komentuesve që e pyeti mbi seksualitetin e saj.
Për të, kjo është diçka personale që s’do ta ndajë me publikun. Me pak fjalë, shihni punët tuaja.
Këngëtarja shton në një postim në Instastory se “mbështet të drejtat e njeriut. Çdo të drejtë njerëzore. Ka njerëz që s’dalin dot nga shtëpitë e tyre prej bombardimeve, ka njerëz që s’kanë ujë të pijshëm dhe disa egoistë duan të kontrollojnë jetët e të tjerëve thjesht sepse vendosën të mos jetojnë të tyret.”
