Cole Sprouse dhe Lili Reinhart i kanë dhënë fund lidhjes së tyre. Protagonistët e “Riverdale” u ndanë pas dy vitesh bashkë.

“Lili dhe Cole u ndanë në fillim të kësaj vere,” tha një burim për E! News. “Ata nuk po jetojnë bashkë gjatë xhirimeve të këtij sezoni të Riverdale.”

Burimi shtoi se janë përpjekur t’i rrinë larg njëri-tjetrit, por tani që kanë rinisur xhirimet e serialit, po punojnë sërish bashkë dhe gjërat shkojnë më mirë.

Lili Reinhart dhe Cole Sprouse u njohën në sheshxhirimin e “Riverdale.” Personazhet e tyre, Betty Cooper dhe Jughead, dashurohen drejt fundit të sezonit të parë dhe mesa duket, kështu ndodhi dhe për aktorët.

Thashethemet nisën në korrik të 2017-s, pasi u panë shumë të afërt me njëri-tjetrin gjatë Comic-Con. Edhe pse vazhdonin të kalonin kohë bashkë dhe të nxisnin spekulimet, nuk e pranuan publikisht lidhjen deri në Met Gala e 2018-s, ku shkuan si çift.

“Nuk është diçka që e fshehim apo diçka që e publikojmë,” tha Sprouse për GQ në mars të këtij viti. “Është thjesht diçka që ekziston.”