Që prej sezonit të kaluar televiziv, me përjashtim të prezantimeve të spektakleve si “Netët e Klipit Shqiptar” dhe “Miss Shqipëria”, Arjola Shehu nuk moderoi ndonjë program televiziv. Megjithatë thuhet se në shtator moderatorja do të prezantojë sërish një program mëngjesi.
Burime për Indexonline bëjnë me dije se Arjola do të prezantojë “Ditë e re” në Ora News së bashku me Kelvi Kadillin, duke zëvendësuar Dajana Shabanin dhe Besmir Metanin.
Në fillim të prillit, Kelvi Kadilli pranoi se s’do të jetë më pjesë e “Pop Culture”. I ftuar në “Vizioni i pasdites” në Vizion Plus, ai rrëfeu diçka më shumë rreth planeve të ardhshme.
“Pop Culture- in s’do ta bëj më, kjo është e sigurt. S’do e bëj më sepse mendoj që çdo gjë ka atë fazën e vet.” u shpreh moderatori dhe si për të shuar çdo dyshim, përsëriti “që s’do e bëj më është e sigurt.”
Kelvi Kadilli dhe Dojna Mema nisën “Pop Culture” shtatorin e 2017-s, si një emision i përditshëm në orar dreke. Që prej shtatorit të 2018-s, “Pop Culture” u transmetua çdo të shtunë në një minutazh më të gjatë.
Deri tani, nuk dihet ende nëse dikush do ta zëvendësojë Kelvin në “Pop Culture”.
