Në mesin e qershorit, u përfol se pas tri vitesh bashkëpunim, kontrata e “Xing me Ermalin” me Tv Klan nuk do të rinovohej. Burime për Indexonline.net u shprehën se Ermal Mamaqi do të largohet drejt Top Channel. I ftuar këtë të enjte në emisionin “Treshat”, Mamaqi u pyet nëse “’Xing me Ermalin’ do të vazhdojë sezonin e ardhshëm”.

“Do të vazhdojë patjetër, besoj” u përgjigj ai. “Do të vazhdojë në Klan?”, e pyeti sërish Bora Zemani. “Po, besoj, patjetër në Klan,” shtoi Mamaqi.

Fjalë si “besoj” dhe “patjetër” duket sikur kundërshtojnë njëra-tjetrën, ndaj Zemani kërkoi të tjera detaje për sezonin e ardhshëm televiziv: “Do të thotë se mund të jetë edhe një gjë tjetër?”.

“Po, mund të jetë dhe një gjë tjetër,” përfundoi Mamaqi duke shtuar më shumë dyshimet.