Në episodin e parë të YouTube series “Pothuajse Gati” (Almost Ready), aktorja Shay Mitchell – e cila është aktualisht shtatzënë me fëmijën e sa të parë me të dashurin Matte Babel – foli rreth abortit që pësoi një vit më parë.
Ylli i “Pretty Little Liars” tregon se përvoja e dhimbshme e detyroi që të mos tregonte për shtatzëninë e dytë. “Kur ndodhi, u shokova,” thotë ajo. “Ende i kam vizitat dhe videot te mjeku. Është e çuditshme sepse nuk i kam parë më, por nuk e kam harruar çfarë ndodhi.” Më tej, shtoi se “është e lumtur”, por “ende i dhemb zemra për humbjen e parë”.
Në Ditën e Vitit të Ri, aktorja zbuloi për herë të parë se gjatë 2018-s kishte pësuar abort spontan.
Lajmin e pritjes së ëmbël, Shay e bëri publik muajin e kaluar përmes një fotoje në Instagram dhe një videoje në Youtube ku tregoi gjithë historinë. “Kur je në sy të gjithë publikut, është e vështirë që disa gjëra t’i mbash sekret. Kjo, për mua ka qenë më e vështira. Sa qejf kur e gjithë kjo të zbulohet. Unë mund të jem me shumë kënaqësi shtatzënë, sepse s’kam nevojë ta fus barkun brenda.”
Mitchell dhe Babel janë në një marrëdhënie që prej janarit të 2017-s. Shay është gati në muajin e shtatë të shtatzënisë dhe është në pritje të një vajze.
