Skandali më i madh në historinë e YouTube-it duket se ka marrë fund. Si fillim ishte Jeffree Star ai që kërkoi falje për mënyrën si u soll me James Charles. Jeffree, pas videos së famshme të Tati-t, e quajti James-in “një njeri të rrezikshëm për komunitetin”.
Përmes një postimi në Twitter, Tati deklaroi se “është më mirë për komunitetin, ndjekësit dhe shëndetin e tyre mendor që të mos merren më me këto çështje”. “Për këtë arsye, nuk do të komentoj më publikisht dhe shpresoj që të mos komentojë askush tjetër.”
Në vijim të deklaratës, Tati shpjegon se gjatë gjithë karrierës së saj, është munduar ta ndërtojë emrin me ndershmëri duke besuar te drejtësia dhe kaosi i këtyre 10 ditëve nuk ishte absolutisht qëllimi i saj. Pavarësisht se duhet ende kohë që gjërat të qetësohen, vlogerja shton se do të merret me gjithçka në mënyrë private.
— Tati Westbrook (@GlamLifeGuru) May 19, 2019
Videoja “Bye Sister” që grumbulloi më shumë se 52,000,000 shikime nuk gjendet më në kanalin zyrtar të Tati-t në YouTube.
Nga ana tjetër, James falenderon Tati-n dhe Jeffree-n për faktin që zgjodhën t’i lënë gjërat të qetësohen, megjithëse ai shpreson se në një moment të dytë do të jenë gati për të folur.
Thank you @jeffreestar & @glamlifeguru for your sentiments. I am on board to move on, will not speak about this further, but do hope to speak in the future when we’re all ready. This week was awful for all of us and I ask that the community focuses on positivity moving forward
— James Charles (@jamescharles) May 20, 2019
Një përshkrim të detajuar të gjithë situatës e gjeni këtu.
