Në fillimin e viteve ’90, “Ritfolk” ishte një prej grupeve më të njohura dhe më revolucionare të muzikës pop- rock në vend. Ende sot, këngë si “Dëshirë dhe heshtje”, “Ndjenjë e Dashuruar”, “Cilët jemi ne” apo legjendaret “Ëndërroj” ose “Drejt fatit tim” mbahen mend, pëlqehen dhe rikthehen vazhdimisht në repertorin muzikor të club- eve të natës apo edhe kafeneve.
I cilësuar në festivalin e dhjetorit të vitit 1991 si grupi më i mirë muzikor, me vokalist Altin Gocin dhe Saimir Brahon, rrugëtimi i Ritfolk- ut do të ndërpritej gati dy dekada më parë. Pjesëmarrja e fundit e "Ritfolk" në festival ishte ajo e 1999- s në "Kënga Magjike 1999" me "Do Të Them Diçka".
Kështu Saimir Braho nisi i vetëm një karrierë të re, me projekte muzikore si:
e ndërsa Altin Goci krijoi grupin e tij duke i vetëkompozuar këngët:
Ndonëse interesi qe vërtet i madh, asnjëherë nuk u fol në media rreth ndarjes së grupit të famshëm.
Më në fund është zbuluar arsyeja që solli fundin e epokës Ritfolk. Mendohet të mos ketë qenë kurrsesi një arsye personale apo sherrnajë, por thjesht dhe vetëm një instrument. Saktësisht oboeja. (Se çfarë ndodhi e zbuloni më qartë në videon e mëposhtme):
Duket se ka qenë kjo “përplasje” mes dyshes për oboen ajo që i ka mbajtur larg njëri- tjetrit prej kaq shumë vite.
Sidoqoftë, jo dhe për shumë gjatë. Altin Goci dhe Saimir Braho do të rikthehen sërish!
Për të gjithë fansat e zjarrtë të “Ritfolk”, këtë qershor artistët do të performojnë sërish hitet më në zë falë mbështetjes së ABI Bank. Kështu, edhe një herë do të mund të përjetojmë emocionet e ... (le të këndojmë të gjithë bashkë):
"Sa dua të jem larg
larg mërzitjes pa kufi
Sonte do këndoj për ju
ju që njihni veç qetësi
Kënga ime ngjitet lart
atje lart në qiellin blu
Ju o yje më besoni
kënga ime është për ju"
