Në 5 maj, Almeda Abazi dhe bashkëshorti i saj Tolgahan u bënë për herë të parë prindër të një djali të quajtur, Efehan.
Ndonëse vetë çifti duket se nuk janë ende gati për të ndarë foto të bebushit me ndjekësit, paparacët ja kanë dalë të shkrepin disa fotografi të të treve!
Mbrëmjen e kaluar duket se Almeda ka lënë spitalin dhe në fotot e publikuara tek Syri.net duket më e lumtur se kurrë krah të shoqit dhe bebushit, i cili qëndron në krahët e të atit.
“Jam shumë e lumtur. Aktualisht jam mbi re!”- është shprehur Abazi ndërkohë që pak ditë më parë Tolgahan u shpreh se lindja e saj ishte goxha e vështirë.
“Lindja e Almedës nuk qe aspak e lehtë. Dua t’i jap një medalje. Lindja zgjati 12 orë. Nuk kam fjalë ta përshkruaj atë ndjesi. Unë jam njeri që qaj me vështirësi, por edhe gurët plasin. Para se të lindte, i thoja ‘të dua shumë’, tani i them ‘bir, më frikësove shumë’.”
