Duket se diss-et mes repereve do të marrin fund, të paktën për Melindën. Përmes një postimi në Instagram, ajo i ka kërkuar publikisht falje Tayna-s duke i mëshuar faktit se duhet të ndryshojë mënyra si reperet po sjellin produktet e tyre muzikore.

“I kërkoj falje artistes Tayna për ofendimet në freestyle-in e fundit. Për shkak të drejtimit që ka marr rap-i i femrave, mendoj se duhet ta ndryshojmë kahun dhe të mos nxisim urrejtjte te gjeneratat e reja.” – shkruan ajo.

Pak kohë më parë, në një freestyle (improvizim) në Instagram, Melinda thumboi Tayna-n.

“Ring, ring, ring, s’ki qa bon, kno për fmi tash”, shprehej ajo në një pjesë dhe nuk ishte e vështirë të kuptohej që i referohej këngës së fundit të Tayna-s, “Ring Ring”. Më pas vazhdoi me “Columbiana je putana qik e pufit”, (kënga “Columbiana” – Tayna ft. Don Phenom), “Qfar boss chick me 30% move bit*h” (Kënga “Aje” me Ledri Vulën ku Tayna shprehet ‘I’m a boss chick”).
Në fund, e mbyllte me “Qysh e ki emnin, Tokyo a Taiwan? Po kujt po i han kur je made in China”.

Videoja është fshirë nga kanali i Melindës në YouTube.

Për të njëjtën tematikë (ofendimet mes repereve) foli edhe Ledri Vula i ftuar në emisionin “NIN”.

"Më vjen keq që një fjali e imja në ‘NIN’ është keqkuptuar edhe pse as me këngët e mia, e as vet si person unë nuk i ofendoj jo vetëm reperet, por askënd nga gjinia femërore. Të mendoja që femrat nuk bëjnë rep të mirë nuk kisha bërë këngë me Tayna-n. Unë e kisha për fjalorin që përdoret. Po më bezdis që edhe femrat e kanë marrë atë zanat të keq të përdorimit të sharjeve si ne. E di që munden të bëjnë reptura më të mira, pa qenë nevoja të shajnë, se fjalorin e kemi mjaft të pasur. Ne na dëgjojnë edhe fëmijët dhe familjet e tyre, prandaj edhe po e them këtë gjë. Ju që po e ngrini këtë pluhur, kthehuni edhe shikoni të gjitha tekstet e këngëve të mia dhe pastaj gjykoni!”

Pas Ledrit, Dafina Zeqiri reagoi po ashtu:

“Dua t’u them të gjithave kolegeve të mia repere: Bëni rep! Bëni qejf! Ka konkurrencë sa të doni (sidomos djemtë), por mos e poshtëroni njëra-tjetrën pasi ne kemi nevojë për njëra-tjetrën. Karakteri është trashëgimia juaj.”