Prezantimin e albumit të ri, Rona Nishliu zgjodhi ta bëntë në mënyrën më të bukur të mundshme. Duke njoftuar shtatzëninë e saj të parë!
Sipas “RTV21”, këngëtarja promovoi projektin e saj të ri tq quajtur “Mindil”, në Prishtinë pak orë më parë.
“Ky album shkon për ty, që jam duke të mbajtur prej muajsh brenda meje, ende duke pritur për takimin e parë. Ti dhe gjithë fëmijët e tjerë, duhet të zbuloni çfarë e frymëzon muzikën tonë kombëtare.
Pasi të dëgjoni këngët e mia, kërkoni për performancat origjinale të Nexhmije Pagarushës, Rexho Mulliqi, Rifat Kukaj, Tish Daija, Muharrem Qena e shumë të tjerë. Jam falenderuese për të gjithë autorët dhe performuesit e tyre të pavdekshme dhe frymëzimin që ende japin.”- shkruan Rona në krye të albumit.
Kjo është pritja e parë e ëmbël për këngëtaren, e cila u martua shtatorin e kaluar me të dashurin e saj prej 5 vitesh.
Dasma u bë në fshehtësi të plotë thjesht sepse çiftit nuk i pëlqen aspak të ekspozohet.
